Tilkynningar og fréttir

Vegna vinnu í dælustöð verður lokað fyrir heitt vatn á Laugarbakka, Hvammstanga og Línakradal miðvikudaginn  9. desember  frá kl. 09:00.  Áætlað er að vinna standi yfir til kl. 10:00

Vegna slæmrar veðurspár fellur allt skólahald niður á morgun 08.12.2015, og verður leikskólinn því lokaður.   Athugað verður með stöðuna á veðurspá fyrir hádegi á morgun og þá metið hvort leikskólinn verði opnaður eftir hádegi eða frá klukkan eitt. Foreldrar leikskólabarna eru vinsamlega beðin um að fylgjast með tölvupósti milli 11.00 og 12.00 á morgun.

Jólatónleikar nemenda í Tónlistarskóla Húnaþings vestra verða skv. eftirfarandi:

Alla hunda á Hvammstanga og Laugarbakka ber að koma með til hundahreinsunar í áhaldahús Húnaþings vestra Búlandi 3, Hvammstanga, fimmtudaginn 03. desember 2015 milli klukkan 16:00-18:00.

Í dag, 2. desember 2015, eru 43 ár síðan hitaveita var sett í fyrsta hús á Hvammstanga.  Það var árið 1972.  Fyrsta húsið var hús Sparisjóðs Vestur Húnavatnssýslu en það húsnæði hýsir Ráðhús Húnaþings vestra í dag.  Í framhaldinu var lögð hitaveita um allan Hvammstanga.  Af því tilefni kom guðfaðir hitaveitunnar, Brynjólfur Sveinbergsson, með kökur og kaffi á skrifstofuna.

Ungmennaráð hefur ákveðið að setja afstað lógo keppni fyrir Félagsmiðstöðina Órion. Eins og stendur er ekki til neitt Lógo fyrir Órion og þess vegna höfum við ákveðið að leita til ykkar og setja af stað smá keppni.  

Notendur hitaveitu eru beðnir að lesa af hitaveitumælum í fasteignum sínum sem fyrst og senda til Húnaþings vestra. Senda má tölvupóst á skrifstofa@hunathing.is eða hringja á skrifstofu Ráðhúss í síma 455-2400.

Lóð Grunnskólans á Hvammstanga tók heldur betur góðum breytingum í haust þegar kláraðar voru framkvæmdir við hæðarmismun fyrir sunnan skólann að austanverðu.  Aðkoma og aðlaðandi umhverfi, styrkir jákvæða ímynd skólans  og notendur fá sín notið í fallegu umhverfi. Verktakarnir, Benjamín Kristinsson og Pétur Daníelsson önnuðust verkið.

Íþróttamiðstöð Húnaþings vestra hefur nú tekið í notkun nýtt „spinning“ hjól. Hjólið er af gerðinni Life Fitness Lifecycle GX og leysir af hólmi eldra þrekhjól. Nýja tækið nýtur nú þegar nokkurra vinsælda hjá iðkendum í þrektækjasal.

Skólastjórnendur leik-og grunnskóla í Austur Húnvatnssýslu, Húnaþingi vestra og leikskólanum á Hólmavík hafa ákveðið að  vinna að sameiginlegri mál- og læsisstefnu skólanna í samræmi við ákvæði í Aðalnámskrá leik- og grunnskóla.