Íþróttamiðstöð

Heimilisfang: Hlíðarvegur 6, 530 Hvammstanga
Forstöðumaður: Tanja Ennigarð íþrótta-og tómstundafulltrúi.
Netfang: tanja@hunathing.is
Sími: 451-2532
Farsími: 858-1532 

Opnun:

Húnaþing vestra rekur íþróttamiðstöð á Hvammstanga. Sundlaug ásamt búningsaðstöðu var tekin í notkun árið 1982. Íþróttahús var byggt við búningsaðstöðu og sundlaug á árunum 2001 og 2002. Íþróttamiðstöð Húnaþings vestra var svo formlega opnuð þann 4. september 2002. Íþróttamiðstöð Húnaþings vestra getur boðið einstaklingum, íþróttafélögum eða æfingahópum aðstöðu til keppni og æfinga í flestum íþróttagreinum.

Haustið 2019 var ný viðbygging við íþróttamiðstöð Húnaþings vestra vígð til notkunar. Stærð viðbyggingarinnar er 300 m2. Með tilkomu viðbyggingarinnar er aðstaða í Íþróttamiðstöðinni orðin hin besta og þjónusta við íbúana hefur aukist verulega.   Anddyrið var stækkað og móttaka og aðkoma  gesta orðin  góð .  Aðstaða til íþróttaiðkunar hefur batnað verulega með góðum þrektækjasal með einstöku útsýni yfir fjörðinn og nýjum tækjum og búnaði.  Einnig er minni salur sem gefur möguleika á að vera með hóptíma og fjölbreyttar æfingar. 

Aðstaða starfsfólks og kennara er góð auk þess sem  góð áhaldageymsla  er í húsinu og geymslupláss hefur aukist.  Aðgengi fyrir fatlaða hefur verið bætt með tilkomu lyftu og nýrrar snyrtingar fyrir fatlaða, einnig er nýtt dómaraherbergi með sturtuaðstöðu. Auk þess sem  eldri búningsaðstaða var tekin upp að hluta og loftræsting og myndavélakerfi endurnýjað.

Þessar breytingar skapa ný tækifæri til að halda stærri íþróttaviðburði og hægt er að bjóða íþróttafélögum um land allt upp á fyrirtaks aðstöðu fyrir æfingahelgar.

Verið velkomin að nota þá aðstöðu sem við bjóðum fram – aðstaðan er til fyrirmyndar!

Hætt er að selja ofan í sundlaug 30 mínútum fyrir auglýstan lokunartíma og skulu gestir hafa yfirgefið húsið eigi síðar en 15 mínútum eftir auglýstan lokunartíma.

Tímatafla fyrir æfingar vorönn 2022, má finna HÉR

Gjaldskrá Íþróttamiðstöðvar Húnaþings vestra 2022 má finna HÉR