Vatnsveita

Húnaþing vestra rekur vatnsveitu á Hvammstanga, Laugarbakka, Borðeyri og að Reykjum í Hrútafirði. Starfsmenn áhaldahúss annast viðhald og þjónustu fyrir allar veitur sveitarfélagsins.

Auglýst var eftir starfi veitustjóra – og má búast við að nýr veitustjóri taki við eftir áramótin.

 

Mynd sýnir framkvæmdir við vatnsból fyrir Borðeyri

 

Sögulegt ágrip um vatnsveitu á Hvammstanga:

Vatnsveita Hvammstanga skiptist í þrjár aðveitur úr lindum í Vatnsnesfjalli. Vatni er safnað í vatnstank sem stendur ofan við bæinn, byggður 1980, og leysti þá af hólmi mun minni tank er reistur var um 1950. En þá var loks farið að leita að uppsprettum í Vatnsnesfjalli til að leiða niður í þorpið, var þá nýlega búið að stofna Veitufélag Hvammstanga á árunum áður sem ýmislegt höfðu reynt til að bæta neysluvatnsástand bæjarins. Höfðu íbúar þá áður þurft að sækja vatn í brunna eða notast við vatn úr ánni, en það gat verið erfitt í leysingum, þurrkum eða langvarandi frostaköflum. Varð fljótlega ljóst að stækka þyrfti tankinn og fjölga lindum vegna komu rækjuvinnslu og mjólkurvinnslustöðvar í bæinn, ásamt áframhaldandi vinnslu sláturhúss og stækkandi byggðar. Nú eru því eins og áður segir þrjár aðveitur tengdar vatnsveitu Hvammstanga, Mjóadalslindir, Grákollutjörn og Hestlækjalindir.

Var efnið á síðunni hjálplegt?