Sorphirða og endurvinnsla

Heimilisfang: Hvammstangabraut 5, 530 Hvammstanga
Sími: 455-2400
Netfang: skrifstofa@hunathing.is

SORPHIRÐUDAGATAL 2024

HANDBÓK UM FLOKKUN OG FYRIRKOMULAG ER HÉR 

HIRÐA OPNUNARTÍMI

Þriðjudaga og fimmtudaga frá kl. 14-17

Laugardaga frá kl. 11-15

Lokað aðra daga, sem og stórhátíðardaga.

Hirða gámastöð er staðsett á Höfðabraut 34 A á Hvammstanga og þar er tekið við úrgangi frá fyrirtækjum og almenningi samkv. gjaldskrá. Á girðingu stöðvarinnar eru lúgur fyrir endurvinnsluefni, sem alltaf eru opnar. Þau endurvinnsluefni sem ekki rúmast í endurvinnslutunnum við heimilin er hægt að koma með á opnunartíma stöðvarinnar eða setja í lúgur.

Heimasíðu Hirðu má sjá HÉR

Sorphirða í Húnaþingi vestra er með þeim hætti að tvær tunnur eru við hvert heimili í þéttbýli og dreifbýli. Önnur tunnan er fyrir almennt heimilissorp og hin fyrir endurvinnsluefni. Tunnurnar eru tæmdar á þriggja vikna fresti allt árið um kring, fyrir utan í júlí og ágústmánuði þar sem þær eru tæmdar á tveggja vikna fresti.

Terra annast sorphirðuna fyrir sveitarfélagið og býður einnig fyrirtækjum og rekstraraðilum ýmsar lausnir varðandi sorphirðu og ílát. Upplýsingar eru gefnar  í síma: 452-2958. 

Í dreifbýli eru sorpkör fyrir almennan heimilisúrgang. Körin eru ætluð sumarhúsaeigendum og eigendum húsa þar sem ekki er föst ábúð. Körin eru staðsett við Hamarsrétt, Þverá, við Hvol(Grundarárbrú), Faxalæk, Hvarf, Fitjárdalsafleggjara, Melstað, við Ormsá-Hrútafirði, tjaldsvæðið á Borðeyri og gömlu símstöðina í Brú.

Urðunarstaður sveitarfélagsins er í Stekkjarvík í Austur-Húnavatnssýslu.

Landbúnaðarplast

Miðað er við að landbúnaðarplast sé sótt á sveitabæi þrisvar ári, að jafnaði í apríl, ágúst og desember. Það þarf að skrá sig fyrir þjónustunni í hvert skipti. Auglýst er í sjónaukanum og á heimasíðunni þegar skráning fer fram. Leiðbeiningar um flokkun á landbúnaðarplasti má finna HÉR

Förgun bifreiða

Þjónustuaðili vegna förgunar á bifreiðum sem komið er með í Hirðu er fyrirtækið Hringrás.
Athuga þarf að við förgun bifreiða þarf að vera búið að afskrá bílinn (tengill hér) og einnig þarf að senda beiðni til Hringrásar um að fjarlægja bílinn af svæði Hirðu þar sem sveitarfélagið hefur ekki heimild til þess að afhenda Hringrás bifreiðar nema beiðni sé til staðar (tengill hér).

Athuga þarf að til þess að ferli við förgun bíls sé lokið þarf að uppfylla bæði skilyrði (báðir linkar hér fyrir ofan) OG að sýna starfsmanni Hirðu staðfestingu á að ferlinu sé lokið.

Í handbók sem er aðgengileg HÉR er að finna ýmsar gagnlegar upplýsingar um flokkun, endurvinnslu og sorphirðu í sveitarfélaginu. Handbókinni var dreift á öll heimili í sveitarfélaginu.