Farsæld barna í Húnaþingi vestra

Í Húnaþingi vestra er unnið markvisst að því að tryggja börnum snemmtækan stuðning, samfellda þjónustu og farsæld í samræmi við lög um samþættingu þjónustu í þágu farsældar barna nr. 86/2021.

Markmið okkar er að tryggja að hagsmunir barna séu ávallt hafðir að leiðarljósi og að börn og foreldrar fái viðeigandi stuðning á réttum tíma.

Foreldrar/forráðamenn sótt um samþætta þjónustu:

a) Óskað eftir viðtali við tengilið farsældar sem metur í samráði við foreldra/barn þjónustuþörfina og kemur máli í ferli.

b) Sótt um þjónustuna í íbúagátt á heimasíðu Húnaþings vestra.

Tengiliðir farsældar í Húnaþingi vestra eru:

• Mæðaravernd: Liljana Milenkoska liljana.milenkoska@hve.is
• Ungbarnavernd: Liljana Milenkoska liljana.milenkoska@hve.is
• Leikskólinn Ásgarður: Ingibjörg Alma Benjamínsdóttir alma.benjamins@hunathing.is 
• Grunnskóli Húnaþings vestra: Fanney Dögg Indriðadóttir fanney@skoli.hunathing.is
• FNV:  Hrafnhildur Guðjónsdóttir hrafnhildurg@fnv.is 

Grunnreglur

Starf okkar byggir á eftirfarandi meginreglum:

• Hagsmunir barns eru ávallt í forgrunni.
• Samráð og samstarf við foreldra og barn er meginregla.
• Þjónusta er snemmtæk, aðgengileg og veitt í réttu umfangi.
• Samstarf milli þjónustukerfa er virkt og markvisst.
• Börn og foreldrar taka þátt í ákvarðanatöku eftir aldri og þroska barns.

Þrjú þjónustustig farsældarkerfisins

Fyrsta stigs þjónusta

Snemmtækur stuðningur og stoðþjónusta

Fyrsta stigs þjónusta er almennur og snemmtækur stuðningur sem veittur er innan leik- og grunnskóla.

Dæmi um fyrsta stigs þjónustu:

• Skimanir og mat á grunnfærni.
• Stoðþjónusta innan skóla.
• Aðlögun námsumhverfis.
• Tímabundinn stuðningur við nám og líðan.

Stoðteymi skóla fylgjast með framvindu og meta hvort frekari stuðningur sé nauðsynlegur.

Annars stigs þjónusta

Markviss og samþætt þjónusta

Ef þörf barns reynist flóknari er mál tekið til umfjöllunar hjá nemendaverndarráði/fagteymi.

Þá er:

• Skipaður málastjóri.
• Sett saman stuðningsteymi.
• Unnin skrifleg stuðningsáætlun í samstarfi við foreldra og barn.

Markmið er að samræma þjónustu og tryggja skýra ábyrgð allra sem koma að málinu.

Þriðja stigs þjónusta

Sérhæfður stuðningur

Þriðja stigs þjónusta kemur til þegar þörf er á sérhæfðum úrræðum eða þegar farsæld barns er í verulegri hættu.

Dæmi um slíka þjónustu eru:

• Barnaverndarþjónusta.
• Þjónusta við börn með fötlun.
• Geðheilbrigðisþjónusta.
• Önnur sérhæfð úrræði.

Stuðningsáætlanir eru reglulega endurskoðaðar og samvinna milli þjónustuaðila tryggð.

Hvernig virkar ferlið?

1. Skimanir og eftirfylgd

Skólar fylgjast með námi, líðan og þroska barna með reglubundnum skimunum og mati.

2. Stoðteymi skóla

Stoðteymi greinir upplýsingar og leggur til viðeigandi stuðning innan skólans.

3. Mat á árangri

Framfarir eru metnar og stuðningur aðlagaður eftir þörfum.

4. Nemendaverndarráð eða fagteymi

Ef þörf er á frekari stuðningi tekur fagteymi/nemendaverndarráð málið til umfjöllunar.

5. Málastjóri og stuðningsteymi

Skipulagður er samþættur stuðningur með þátttöku foreldra og barns.

6. Sérhæfð þjónusta

Ef þörf er á er vísað í sérhæfð úrræði og þjónustu.

Þátttaka barna og foreldra

Börn og foreldrar eru virkir þátttakendur í allri þjónustu sem þeim tengist.

• Börn fá tækifæri til að tjá skoðanir sínar.
• Foreldrar taka þátt í ákvarðanatöku.
• Áhersla er lögð á gagnsæi, upplýsingagjöf og samráð.

 

Frekari upplýsingar

Nánari upplýsingar um farsæld barna og samþætta þjónustu má fá hjá starfsfólki leikskóla, grunnskóla, félagsþjónustu og fjölskyldusviði Húnaþings vestra.

Hér má nálgast verklag um samþætta þjónustu í þágu farsældar barna í Húnaþingi vestra