Tilkynningar og fréttir

Við Grunnskóla Húnaþings vestra er laust tímabundið starf stuðningsfulltrúa á yngsta stigi sem einnig starfar í frístund. Um er að ræða fullt starf frá seinni hluta nóvember 2015 til 15. ágúst 2016 (hægt er að semja um skemmri tíma). Vinnutími er frá kl. 8:00 til 16:00

Norðurslóðaáætlunin (NPA) styrkir samstarfsverkefni a.m.k. þriggja aðildarlanda, löndin innan NPA eru Ísland, Grænland, Færeyjar, Noregur Svíþjóð, Finnland, Írland, Norður-Írland og Skotland. NPA  óskar núna aðeins eftir styrkumsóknum sem falla undir áherslur 3 og 4: 3.  Verkefni sem hlúa að og efla orkuöryggi samfélaga á norðurslóðum,  hvetja til orkusparnaðar eða notkun endurnýjanlegra orkugjafa. 4.  Verkefni sem vernda, þróa og koma á framfæri menningarlegri og náttúrlegri arfleið. Nánari upplýsingar um áherslur á þriðja umsóknarfresti er að finna hér http://www.interreg-npa.eu/fileadmin/Calls/Third_Call/Third_Call_Announcement.pdf

Vegna bilunar í hitaveitulögn geta orðið sveiflur á heita vatninu í dag á svæðinu Laugarbakki, Hvammstangi, Gauksmýri.

259. fundur sveitarstjórnar Húnaþings vestra verður haldinn fimmtudaginn 8. október 2015 kl. 15:00 í Ráðhúsinu á Hvammstanga.

Straumlaust verður í Miðfirði Húnaþingi vestra þriðjudaginn 6.október frá kl 13:00 til kl 16:00 vegna vinnu við háspennukerfið, sjá myndir.

Hreyfiviku UMFÍ er lokið að þessu sinni. Ísland komst á topp tíu lista í Evrópu yfir fjölda viðburða en um fimmhundruð viðburðir fóru fram víðs vegar um landið. Viðburðirnir í Húnaþingi vestra voru þokkalega vel sóttir og lögðu ca. 1000 manns leið sína í íþróttamiðstöðina þessa vikuna.

Hreyfiviku UMFÍ er lokið að þessu sinni. Ísland komst á topp tíu lista í Evrópu yfir fjölda viðburða en um fimmhundruð viðburðir fóru fram víðs vegar um landið. Viðburðirnir í Húnaþingi vestra voru þokkalega vel sóttir og lögðu ca. 1000 manns leið sína í íþróttamiðstöðina þessa vikuna.

Staðan eftir þrjá fyrstu dagana í sundkeppni á milli sveitarfélaga er að Húnaþing vestra er í sjötta sæti. Við erum búin að synda 49 m á hvern íbúa. Nú mæta allir í sund og synda þá daga sem eftir er í hreyfivikunni. KOMA SVO!!!

Það heldur áfram að vera líf og fjör í sundkeppni sveitarfélaganna. Það er greinilegt að þessi keppni er ákaflega jákvæð og hvetjandi fyrir fólk. Sundkeppnin stendur til sunnudagsins 27. september þannig að úrslit verða birt nk. mánudag. Höldum áfram að vera hvetjandi og breiða út boðskap um mikilvægi hreyfingar. Allir í sund! Hér að neðan má sjá niðurstöður úr sundkeppni sveitarfélaga eftir 4 daga!  

Sveitarstjórn Húnaþings vestra  samþykkti þann 16. september s.l. að leita umsagnar á skipulagslýsingu skv. 1. málsgrein, 40. gr. skipulagslaga nr. 123/2010. Deiliskipulagssvæðið liggur neðan Strandgötu og Höfðabrautar á Hvammstanga og er um 11 ha að stærði.  Samkvæmt Aðalskipulagi Húnaþings vestra 2014-2026 er svæðið skilgreint sem  hafnarsvæði og verslunar- og þjónustusvæði.