Tilkynningar og fréttir

Tilnefnd til Orðsporsins 2014   Leikskólinn Ásgarður Hvammstanga, Guðrún Lára Magnúsdóttir er tilnefnd fyrir framúrskarandi árangur við þróunarverkefnið Leikur er barna yndi og innleiðingu flæðis í skólastarfi.

Álagningu fasteignagjalda  í Húnaþingi vestra árið 2014 er nú lokið. Álagningarseðlar hafa verið sendir til fasteignaeigenda sem eru 67 ár og eldri og til fyrirtækja.

Á stofnfundi nýs byggðarsamlags sem haldin var í dag 29.janúar 2014 á Sauðárkróki, undirrituðu fulltrúar níu sveitarfélaga samþykktir nýs byggðarsamlags sem fengið hefur nafnið Rætur bs. Tilgangur  samlagsins er að fara með málefni fatlaðs fólks á vestanverðu Norðurlandi.  Aðildarsveitarfélög byggðasamlagsins eru; Akrahreppur, Blönduósbær, Dalvíkurbyggð, Fjallabyggð, Húnavatnshreppur, Húnaþing vestra, Skagabyggð, Sveitarfélagið Skagafjörður og Sveitarfélagið Skagaströnd.

Söngvarakeppni Grunnskóla Húnaþings vestra verður haldinn föstudaginn 17. janúar í Félagsheimilinu Hvammstanga. Húsið opnar kl. 20:00, keppni hefst kl. 20:30. 10. bekkur með sjoppu. Aðgangseyrir er 1500 kr. - enginn posi.

Borið hefur á því að hundaeigendur hirði ekki upp eftir hunda sína þegar þeir gera stykki sín á útivistarsvæðinu í Kirkjuhvammi og gönguleiðum sem þar eru. Hundaskítur getur borið smit á milli hunda og er afar óþrifalegur og hvimleiður fyrir íbúa og gesti sveitarfélagsins. Því hvetjum við hundaeigendur til hirða upp eftir hunda sína á útvistarsvæðinu Kirkjuhvammi og hvar sem er á opnum svæðum sveitarfélagsins.   Framkvæmda- og umhverfissvið

229. fundur sveitarstjórnar Húnaþings vestra verður haldinn fimmtudaginn 16. janúar 2014 kl. 13:00 í fundarsal Ráðhússins

Forvarnna- og fræðslusjóðurinn ÞÚ GETUR starfar að eflingu geðheilbrigðis með þrjú markmið í huga :   Að styrkja þá sem hafa átt við geðræn veikindi að stríða til náms með námsstyrkjum sem veittir eru í samræaði við meðferðaraðila. Að draga úr fordómum með því að stuðla að aukinni og vandaðri fræðslu og umræðu um geðheilbrigði og geðsjúkdóma. Að hvetja til aukinnar sérhæfingar í geðheilbrigðisþjónustunni.

Sækja þarf um húsaleigubætur fyrir hvert almanaksár og því þurfa allir sem telja sig eiga rétt á húsaleigubótum að sækja um húsaleigubætur fyrir 2014. Umsóknareyðublað er hægt að finna hér eða í Ráðhúsinu að Hvammstangabraut 5.