Tilkynningar og fréttir

Frá því að nýr sorphirðuverktaki tók við sorphirðu í Húnaþingi vestra hefur verið tekið upp nýtt fyrirkomulag við flokkun endurvinnsluefna. Nú flokkar verktakinn sjálfur í sínu húsnæði þau efni sem tilheyra endurvinnslu eins og t.d. pappa, málma, pappír og plast.

Kjörskrá Húnaþings vestra vegna forsetakosninga sem fram fara laugardaginn 25. júní 2016 liggur frammi á skrifstofu Húnaþings vestra  að Hvammstangabraut 5 á Hvammstanga á afgreiðslutíma frá 15. júní til kjördags. Sveitarstjóri

Þann 17. júní verður opið í sundlaug/íþróttamiðstöð frá klukkan 10:00-18:00 Íþrótta-og tómstundafulltrúi

Vegna breytinga á útgáfu og meðferð á skottkortum vill Húnaþing vestra koma eftirfarandi á framfæri: Ríkisskattstjóri hætti útgáfu á skattkortum þann 01. janúar sl.  Í stað þess er kominn  rafrænn persónuafsláttur.

Húnaþing vestra stóð fyrir hreyfileik í Hreyfivikunni 2016 þar sem markmiðið var að fjölskyldan eyddi tíma saman í hinum ýmsu hreyfiviðburðum.

Þann 7.júní sl. fór fjallskilanefnd Víðdælinga ásamt ráðunaut til að kanna ástand gróðurs á Víðidalstunguheiði.  Gróður er kominn vel af stað, sprungið út á hrísi hvar sem við fórum og blóm tekin að blómstra.

Í Leikskólanum Ásgarði ríkir mikil gleði og eftirvænting. Sumarhátíð leikskólans er í dag! Á sumarhátíð er alltaf mikið líf og fjör en í ár fær Ásgarður afhentan sinn annan grænfána á hátíðinni, sem gerir hátíðina enn ánægjulegri.

272. fundur sveitarstjórnar Húnaþings vestra verður haldinn fimmtudaginn 9. júní 2016 kl. 15:00 í Ráðhúsinu á Hvammstanga.  

Fulltrúar frá Lionsklúbbnum Bjarma þeir Guðmundur Haukur Sigurðsson og Eggert Karlsson komu færandi hendi og gáfu leikskólanum Ásgarði barnahjól, fjögur til nota utandyra og tvö til nota innandyra. Það ríkti mikil eftirvænting hjá nemendum leikskólans þegar þau fengu að opna pakkann. Þessa dagana er mikill áhugi hjá nemendum að komast í Útgarð og hjóla enda leikur veðrið við okkur. Við sendum félagsmönnum í Lionsklúbbnum Bjarma bestu þakkir fyrir höfðinglega gjöf til skólans, það er ómetanlegt að eiga ykkur að. Kveðja nemendur og starfsfólk Ásgarðs.

Dagskrá beinna útsendinga í Félagsheimilinu Hvammstanga 10. júní til 10. júlí 2016. Aðgangseyrir kr. 200 fyrir hvern dag eða kr. 3.000 fyrir allt tímabilið Allar veitingar leyfðar - Sæmileg hegðun áskilin Njótum þess að eiga saman stund yfir spennandi knattspyrnuleik Sjá nánar hér