Tilkynningar og fréttir

Ráðhús Húnaþings vestra verður lokað í dag frá kl. 15:00 vegna 40 ára afmælis Hitaveitu Húnaþings vestra.

Sveitarstjórn Húnaþings vestra samþykkti á fundi sínum þann 8. nóvember 2012 breytingu á Aðalskipulagi Húnaþings vestra 2002-2014 í landi Melstaðar í Miðfirði. Tillaga að breytingu skipulagsins var auglýst.

Húnaþing vestra óskar eftir tilboðum í íbúðarhúsið Brekkubæ á Borðeyri í Húnaþingi vestra. Um er að ræða einbýlishús byggt árið 1976 úr timbri. Íbúðarhúsið er á einni hæð alls 115,6 fermetrar.

Í meðfylgjandi glærum er kynning á niðurstöðum starfshóps um framtíðarskipan í skólamálum sem kynnt hefur verið á fundi með starfsfólki skólanna sem og á almennum íbúafundi. Í anddyri ráðhússins er kassi þar sem hægt er að koma með skriflegar ábendingar varðandi niðurstöðurnar. Framundan eru vinnufundir með starfsfólki skólanna og einnig foreldrum skólabarna.

Umsóknum um styrki vegna aksturs barna/unglinga á íþróttaæfingar og í tónlistarskóla árið 2012, ber að skila á skrifstofu Húnaþings vestra, Hvammstangabraut 5, Hvammstanga sem fyrst.

Umsóknum um styrki vegna aksturs í dreifnám í Húnaþingi vestra á haustönn árið 2012, ber að skila á skrifstofu Húnaþings vestra, Hvammstangabraut 5, Hvammstanga sem fyrst.

Umsóknum um styrki vegna aksturs barna til vistunar í leikskóla tímabilið ágúst til desember árið 2012, ber að skila á skrifstofu Húnaþings vestra, Hvammstangabraut 5, Hvammstanga sem fyrst.

Hér með er skorað á íbúa í Húnaþingi vestra sem ekki hafa skráð lögheimili sitt í sveitarfélaginu á árinu 2012 að gera það nú þegar og eigi síðar en 1. desember nk.

Kynning á niðurstöðum starfshóps um framtíðarskipan í skólamálum í Félagsheimilinu á Hvammstanga 27. nóvember klukkan 20.30.

208. fundur sveitarstjórnar Húnaþings vestra verður haldinn fimmtudaginn 22. nóvember 2012 kl. 14:00 í fundarsal Ráðhússins.