Tilkynningar og fréttir

Hér með er skorað á íbúa í Húnaþingi vestra sem ekki hafa skráð lögheimili sitt í sveitarfélaginu á árinu 2012 að gera það nú þegar og eigi síðar en 1. desember nk.

Kynning á niðurstöðum starfshóps um framtíðarskipan í skólamálum í Félagsheimilinu á Hvammstanga 27. nóvember klukkan 20.30.

208. fundur sveitarstjórnar Húnaþings vestra verður haldinn fimmtudaginn 22. nóvember 2012 kl. 14:00 í fundarsal Ráðhússins.

Árshátíð Grunnskóla Húnaþings vestra frestað til þriðjudags 13. nóvember.

Formleg opnun framhaldsdeildar á Hvammstanga fer fram þann 12. nóvember kl. 16:00 í Félagsheimilinu á Hvammstanga. Þann dag verður einnig opið hús í húsakynnum deildarinnar, á neðri hæð félagsheimilisins kl. 16:00-18:00. Mennta- og menningarmálaráðherra, Katrín Jakobsdóttir, verður viðstödd opnunina og mun undirrita samstarfssamning milli Húnaþings vestra og FNV. Boðið verður upp á vöfflur og kaffi á efri hæðinni.

Í óskilum er rauður hestur 2-3 vetra, ómerktur og ómarkaður. Upplýsingar hjá Konna á Böðvarshólum í síma 451-2697.

Fræðslu- og velferðarsvið Húnaþings vestra auglýsir eftir þroskaþjálfa, iðjuþjálfa eða starfsmanni með aðra menntun og/eða reynslu af starfi með fötluðum. Um er að ræða 100 % starf á dagvinnutíma. Starfið er laust frá og með 1. janúar 2013.

Árshátíð Grunnskóla Húnaþings vestra verður haldin föstudaginn 9. nóvember 2012 í Félagsheimilinu Hvammstanga.  

206. fundur sveitarstjórnar Húnaþings vestra verður haldinn fimmtudaginn 8. nóvember 2012 kl. 15:00 í fundarsal Ráðhússins.

Samkvæmt sorphirðudagatali Húnaþings vestra fer fram hirðing á heimilissorpi á Hvammstanga og Laugarbakka í dag 5. nóvember. Íbúar eru vinsamlega beðnir að moka frá sorptunnum við heimili sín og hafa aðgegni gott, til að þjónustan geti farið fram. Með von um gott samstarf. Húnaþing vestra og Urðun ehf.