Tilkynningar og fréttir

274. fundur sveitarstjórnar Húnaþings vestra verður haldinn fimmtudaginn 13. október 2016 kl. 15:00 í Ráðhúsinu á Hvammstanga.

Núna er komið haust og þá heldur fyrirlestraröð byggðasafnsins áfram. Að þessu sinni mun Sigurjón Baldur Hafsteinsson koma til okkar. Í fyrirlestrinum mun Sigurjón ræða um þá spurningu hvaða erindi hugmyndir um anarkisma eigi við gamalgróna hefð Íslendinga í að byggja og varðveita torfhús. Hann mun fjalla um hvað felst í hugmyndum um anarkisma og gera að því skóna að anarkismi eigi vel við þegar lýsa á hefðum Íslendinga í byggingu og varðveislu torfhúsa

Hamingja, sköpunargleði, lestur og stærðfræði í Húnaþingi vestra

Frá og með 1. október sl. hefur nýr sviðsstjóri fjölskyldusviðs, Jenný Þórkatla Magnúsdóttir hafið störf hjá Húnaþingi vestra.

Við Grunnskóla Húnaþings vestra er laust tímabundið starf stuðningsfulltrúa á unglingastigi. Um er að ræða 50-75% starf frá 1. október 2016 til 31. maí 2017. Vinnutími er á bilinu  8:00 til 15:00.

Vegna mikillar eftirspurnar eftir leiguhúsnæði  en lítillar eftirspurnar eftir lóðum fyrir íbúðahús samþykkti sveitarstjórn Húnaþings vestra að nýta tímabundið heimild til niðurfellingar gatnagerðargjalda í samræmi við 6. gr. laga nr. 153/2006 og 6. gr. samþykktar Húnaþings vestra um gatnagerðargjöld nr. 717/2013.  Um er að ræða 17 íbúðahúsalóðir á götum á Hvammstanga sem þegar eru tilbúnar til úthlutunar.    

Við leikskólann Ásgarð Hvammstanga er laus staða matráðs í 100% starf: Í Ásgarði er unnið eftir markmiðum manneldisráðs og lýðheilsustöðvar. Hreinlæti og snyrtimennska mikilvægur þáttur.

Vinsamlegast tilkynnið til skrifstofu Húnaþings vestra þegar bátar eru teknir á land eða settir niður. Sími á skrifstofu er 455-2400, einnig hægt að senda á netfangið skrifstofa@hunathing.is.

Ertu með góða hugmynd og vilt aðstoð við að koma hugmyndinni í framkvæmd og jafnvel stofna fyrirtæki? SSNV stendur fyrir námskeiði í Húnaþingi vestra þar sem þátttakendur fá aðstoð við að vinna með eigin viðskiptahugmynd, koma hugmyndinni í framkvæmd og stofna fyrirtæki. Námskeiðið telur um 50 klukkustundir og hefst 19. september.

Húnaþing vestra auglýsir laust til umsóknar starf skjalavarðar á Héraðsskjalasafni Vestur-Húnavatnssýslu og umsjónarmanns fjarnámsstofu. Um er að ræða 75% starf, 50% starf við héraðsskjalasafn og 25% við fjarnámsstofu . Athugið að starfshlutfall við héraðsskjalasafnið er á föstum viðverutíma en það sem snýr að fjarnámsstofu er óreglulegt og er sinnt eftir þörfum. Skjalavörður og umsjónarmaður fjarnámsstofu vinnur að skráningu skjala og varðveislu þeirra, hann ber ábyrgð á fjarnámsstofu og sér til þess að aðgengi nemenda að henni sé ávallt gott.