Tilkynningar og fréttir

1.maí               Verkalýðsdagurinn Maímánuður hefst á þeim merka degi verkalýðsdeginum en frá árinu 1889 hefur 1. maí verið alþjóðlegur dagur verkalýðshreyfingarinnar. Þennan dag heldur verkalýðshreyfing upp á daginn með kröfugöngum og fundum. Fyrsta kröfugangan á Íslandi var farin í Reykjavík árið 1923. Einkennislag dagsins er Internationalinn sem stundum er kallaður Nallinn. Þetta er alþjóðlegur baráttusöngur verkalýðsins og sunginn og leikinn um allan heim þennan dag.  

Ársreikningur Húnaþings vestra 2013 er nú aðgengilegur hér á heimasíðu sveitarfélagsins.

Fimmtudaginn 1. maí næstkomandi verður íþróttamiðstöð/sundlaug opin frá kl. 10:00-14:00

 Nýverið var undirritaður samningur milli Húnaþings vestra og sjónvarpsstöðvarinnar N4 um gerð kynningarefnis fyrir Húnaþing vestra. Í samningnum er m.a. tiltekið að unnið verði að eftirtöldum verkefnum í Húnaþingi vestra frá apríl 2014 - apríl 2015. a)       Framleiðsla og sýningar á 4 þáttum af „Óvissuferð í Húnaþingi“. b)       Framleiðsla og sýningar á heimildarþætti um Húnaþing vestra. c)       Framleiðsla og sýningar á 75 innslögum frá Húnaþingi vestra í þættinum „Að norðan“.

Sveitarstjórn Húnaþings vestra  samþykkti 9. apríl s.l. að auglýsa tillögu að Aðalskipulagi Húnaþings vestra 2014-2026  skv. 1. mgr. 31. gr. skipulagslaga nr. 123/2010. Auglýsingin tekur einnig til 7. gr. laga um umhverfismat áætlana nr. 105/2006. Við gildistöku nýja aðalskipulagsins fellur úr gildi Aðalskipulag Húnaþings vestra  2000-2014 og Aðalskipulag Bæjarhrepps 1995-2015.

Áfram hagnaður í Húnaþingi vestra Ársreikningur sveitarsjóðs Húnaþings vestra og fyrirtækja fyrir árið 2013 var samþykktur á fundi sveitarstjórnar þann 16. apríl 2014.

Utankjörfundaratkvæðagreiðsla vegna sveitarstjórnarkosninga, sem fram eiga að fara laugardaginn 31. maí 2014, er hafin hjá sýslumanninum á Blönduósi, Hnjúkabyggð 33, Blönduósi.  Opið er alla virka daga frá kl. 09:00 – 15:00 eða eftir nánara samkomulagi.

235. fundur sveitarstjórnar Húnaþings vestra verður haldinn miðvikudaginn 16. apríl 2014 kl. 13:00 í fundarsal Ráðhússins.

Sveitarstjórn Húnaþings samþykkti á fundi sínum þann 9. apríl sl. að auglýsa eftir umsóknum um úthlutun styrkja úr Atvinnu- og nýsköpunarsjóði Húnaþings vestra.