Sveitarstjórn

Málsnúmer 2610013FVakta málsnúmer

• 1.1 2605071 Viðbygging verknámshús FNV
  Byggðarráð - 1297 Byggðarráð þakkar Magnúsi og Selmu greinargóðar kynningar. Byggðarráð samþykkir samhljóða að fela sveitarstjóra að óska eftir sameiginlegum fundi með öllum sveitarfélögunum í landshlutanum vegna málsins.
• 1.2 2610072 Reglur um veitingu launalausra leyfa til starfsmanna Húnaþings vestra
  Byggðarráð - 1297 Byggðarráð samþykkir samhljóða framlagðar reglur með áorðnum breytingun og vísar þeim til afgreiðslu sveitarstjórnar.
• 1.3 2502055 Rekstrarleyfi Félagsheimilið Hvammstanga
  Byggðarráð - 1297 Málið hefur áður verið tekið fyrir á 272. og 273. fundum félagsmálaráðs.
  
  Byggðarráð samþykkir samhljóða að fela sveitarstjóra að skila rekstarleyfi Félagsheimilisins Hvammstanga inn til sýslumanns. Með því er liðkað fyrir leyfisveitingum til annarra viðburðahaldara. Bókun fundar Örn Arnarson og Viktor Ingi Jónsson véku af fundi kl. 15:02. Magnús Magnússon aldursforseti tók við stjórn fundarins.
  
  Afgreiðsla byggðarráðs borin undir atkvæði og samþykkt með 5 atkvæðum.
  
  Örn og Viktor komu til fundar að nýju kl. 15:05 og tók Örn við fundarstjórn að nýju.
• 1.4 2610045 Mál til umsagnar: Tillögur um viðmið um sjálfbæra þróun sveitarfélaga
  Byggðarráð - 1297 Byggðarráð Húnaþings vestra fagnar þeirri vinnu sem fram fer við mótun viðmiða um sjálfbæra þróun sveitarfélaga og telur mikilvægt að fyrir liggi góðar, áreiðanlegar og samanburðarhæfar upplýsingar sem geti stutt við stefnumótun og ákvarðanatöku til lengri tíma. Ráðið leggur hins vegar ríka áherslu á að við mótun og beitingu viðmiðanna verði tekið fullt tillit til þess hversu ólíkar aðstæður sveitarfélaga eru um allt land. Landfræðileg stærð, dreifing byggðar, vegalengdir, fjöldi byggðarkjarna og mismunandi framkvæmd við veitingu grunnþjónustu hafa veruleg áhrif á rekstur og þróun sveitarfélaga. Mikilvægt er að sameiginleg viðmið nái utan um þennan fjölbreytileika en leiði ekki til einfaldaðs eða villandi samanburðar milli sveitarfélaga sem búa við ólíkar rekstrarforsendur. Sveitarfélagið tekur heilshugar undir þau sjónarmið sem fram koma í umsögnum Skagafjarðar og Múlaþings. Sérstaklega er mikilvægt að mat á fjárhagslegri sjálfbærni taki mið af umfangi lögbundinnar þjónustu, kostnaði við rekstur innviða og getu sveitarfélaga til að veita íbúum örugga og góða þjónustu til lengri tíma, en eins og fram kemur í umræðuskjalinu liggur ekki fyrir sameiginleg niðurstaða um hvaða kennitölur lýsi fjárhagslegri sjálfbærni best. Jafnframt leggur sveitarfélagið áherslu á að viðmiðin verði fyrst og fremst hagnýtt stjórntæki sem byggi á fyrirliggjandi gögnum, en leiði alls ekki til aukinnar stjórnsýslubyrði eða nýrra skýrslugjafarkvaða fyrir sveitarfélögin. Þá er nauðsynlegt að niðurstöður mælinganna nýtist ríkisvaldinu við eigin áætlanagerð og forgangsröðun í innviðafjármögnun, enda ráðast forsendur sjálfbærrar byggðaþróunar ekki eingöngu af ákvörðunum sveitarfélaganna sjálfra. Að síðustu leggur ráðið ríka áherslu á að mótun og innleiðing viðmiða sem þessara auki ekki beinan eða óbeinan kostnað sveitarfélaga. Skal þess sérstaklega gætt að nýjar kröfur, kerfi eða vöktun leiði ekki til útgjaldaauka sveitarstjórnarstigsins, heldur verði slíkur kostnaður að fullu borinn af ríkissjóði í samræmi við meginreglur um fjárhagslegt forræði sveitarfélaga. Sveitarfélagið styður áframhaldandi samstarf um mótun viðmiðanna með þeirri skýru áherslu að þau verði einföld, gagnleg og sveigjanleg, endurspegli raunverulegan aðstöðumun og án viðbótarkostnaðar fyrir sveitarfélög.
• 1.5 2610092 Mál til umsagnar - Áform um frumvörp varðandi byggðatengdar veiðiheimildir, mál nr. S-2232026
  Byggðarráð - 1297 Byggðarráð Húnaþings vestra hefur yfirfarið áformaskjal innviðaráðuneytis vegna fyrirhugaðrar endurskoðunar byggðatengdra veiðiheimilda. Ráðið leggur ríka áherslu á að við frumvarpssmíðina verði tryggt að byggðakvóti þjóni upphaflegum markmiðum sínum um að efla atvinnu, treysta búsetu og styðja við staðbundna útgerð og vinnslu í sjávarbyggðum landsins. Af þessu tilefni ítrekar byggðarráð sjónarmið sín sem fram komu í ítarlegri umsögn frá því í sumar vegna fyrirhugaðrar endurskoðunar byggðakvótakerfisins. Fylgir sú umsögn hér með í heild sinni sem óaðskiljanlegur hluti athugasemda Húnaþings vestra við hið kynnta mál, með ósk um að áherslur hennar verði lagðar til grundvallar við áframhaldandi vinnu ráðuneytisins.
• 1.6 2601077 Fundargerðir stjórnar Hafnasambands Íslands 2026
  Byggðarráð - 1297

Málsnúmer 2611002FVakta málsnúmer

• 2.1 2602081 Fjárhagsáætlun 2027
  Byggðarráð - 1298 Byggðarráð samþykkir samhljóða að vísa fjárhagsáætluninni til sveitarstjórnar til síðari umræðu.
• 2.2 2611011 Reglur og sniðmát um skráningu á fjárhagslegum hagsmunum og trúnaðarstörfum
  Byggðarráð - 1298 Þó ekki sé gerð krafa í núgildandi sveitarstjórnarlögum um að birt sé hagsmunaskráning kjörinna fulltrúa og lykilstarfsmanna leggur meirihluti sveitarstjórnar til að slíkar upplýsingar verði engu að síður birtar.
  
  Byggðarráð samþykkir samhljóða framlagðar reglur og sniðmát og vísar til afgreiðslu sveitarstjórnar.
• 2.3 2611012 Bréf varðandi ágóðahlut EBÍ 2026
  Byggðarráð - 1298 Í bréfinu kemur fram að ekki komi til arðgreiðslu á árinu.
• 2.4 2611019 Skýrsla um starfsemi Flugklasans AIR 66N frá apríl til október 2026
  Byggðarráð - 1298
• 2.5 2608080 Fundargerðir stjórnar Samtaka sveitarfélaga á Norðurlandi vestra 2026
  Byggðarráð - 1298
• 2.6 2601077 Fundargerðir stjórnar Hafnasambands Íslands 2026
  Byggðarráð - 1298

Málsnúmer 2610003FVakta málsnúmer

• 3.1 2610011 Stóri-Ós-Umsókn um breytingu á staðfangi
  Skipulagsráð - 390 Skipulagsráð leggur til við sveitarstjórn að samþykkja breytingu staðfangsins úr Stóri-Ós lóð í Stóri-Ós 1 og fela skipulagsfulltrúa að sjá um uppfærslu skráningar í samræmi við samþykktina Bókun fundar Afgreiðsla skipulagsráðs borin undir atkvæði og samþykkt með 7 atkvæðum.
• 3.2 2610012 Umsókn um breytingu á staðfangi
  Skipulagsráð - 390 Skipulagsráð leggur til við sveitarstjórn að samþykkja breytingu staðfangsins úr Syðsti-Ós lóð í Syðsti-Ós 1 og fela skipulagsfulltrúa að sjá um uppfærslu skráningar í samræmi við samþykktina. Bókun fundar Afgreiðsla skipulagsráðs borin undir atkvæði og samþykkt með 7 atkvæðum.
• 3.3 2610013 Umsókn um breytingu á staðfangi
  Skipulagsráð - 390 Skipulagsráð samþykkir ekki staðfangið og leggur til við umsækjanda að endurskoða staðfangið Syðsti-Fjós. Bókun fundar Afgreiðsla skipulagsráðs borin undir atkvæði og samþykkt með 7 atkvæðum.
• 3.4 2610014 Umsókn um breytingu á staðfangi
  Skipulagsráð - 390 Skipulagsráð leggur til við sveitarstjórn að samþykkja breytingu staðfangsins úr Syðsti Ós lóð 3 í Syðsti-Ós 2 og fela skipulagsfulltrúa að sjá um uppfærslu skráningar í samræmi við samþykktina. Bókun fundar Afgreiðsla skipulagsráðs borin undir atkvæði og samþykkt með 7 atkvæðum.
• 3.5 2512079 Hulduhvammur í Leiti, fyrirspurn um lagningu á reiðveg
  Skipulagsráð - 390 Skipulagsráð leggur til að skipulagsfulltrúa og sveitarstjóra verði falið í samráði við lögmann sveitarfélagsins að yfirfara gögn og réttindagrundvöll reiðvegar um Hulduhvamm í Leiti.
  Málið verði lagt að nýju fyrir ráðið með tillögu að afgreiðslu að lokinni þeirri vinnu.
• 3.6 2610025 Umsókn um byggingarleyfi/byggingarheimild
  Skipulagsráð - 390 Skipulagsráð tekur jákvætt í áform um uppbyggingu tjaldsvæðis á Staðarflöt og breytta notkun bílgeymslu í aðstöðuhús.
  Áformin falla að almennri stefnu Aðalskipulags Húnaþings vestra 2014-2026 um eflingu ferðaþjónustu og bætta aðstöðu til móttöku ferðamanna.
  
  Ráðið felur skipulagsfulltrúa að yfirfara samræmi fyrirhugaðrar starfsemi við gildandi skipulag og meta þörf að unnið verði deiliskipulag fyrir svæðið í samræmi við skipulagslög.
  
  Við yfirstandandi endurskoðun aðalskipulags sveitarfélagsins verði landnotkun á Staðarflöt afmörkuð með ítarlegri hætti og sett skýrari ákvæði um umfang og fyrirkomulag ferðaþjónustu, þar á meðal tjald- og hjólhýsasvæðis og tilheyrandi þjónustubygginga.
  Bókun fundar Afgreiðsla skipulagsráðs borin undir atkvæði og samþykkt með 7 atkvæðum.

Málsnúmer 2611001FVakta málsnúmer

• 4.1 2609025 Meðhöndlun úrgangs í Húnaþingi vestra
  Umhverfis-, veitu- og framkvæmdaráð - 5 Ráðið þakkar verkefnastjóra umhverfismála kynninguna og leggur til við sveitarstjórn að haldinn verði íbúafundur þar sem mismunandi sviðsmyndir verða kynntar íbúum sveitarfélagsins. Bókun fundar Afgreiðsla umhverfis-, veitu- og framkvæmdaráðs borin undir atkvæði og samþykkt með 7 atkvæðum.
• 4.2 2606084 Staða verkefna Umhverfis,- veitu- og framkvæmdasviðs 2026
  Umhverfis-, veitu- og framkvæmdaráð - 5 Ráðið þakkar yfirferðina.
• 4.3 2607015 Verklagsreglur vegna framkvæmda - framkvæmdasamningar
  Umhverfis-, veitu- og framkvæmdaráð - 5 Ráðið leggur til við sveitarstjórn að uppfærsla verklagsreglna vegna framkvæmda og framkvæmdasamninga verði samþykkt.
• 4.4 2610058 Starfshópur um málefni hitaveitu í Hrútafirði
  Umhverfis-, veitu- og framkvæmdaráð - 5 Ráðið leggur til við sveitarstjórn að starfshópur um hitaveitu í Hrútafirði verði stofnaður, erindisbréf vegna starfshópsins samþykkt og tilnefnir: Kolbrúnu Stellu Indriðadóttur, fulltrúa meirihluta sveitarstjórnar, sem jafnframt yrði formaður, Viktor Inga Jónsson, fulltrúa minnihluta sveitarstjórnar og Gunnar Þórarinsson, sem fulltrúa íbúa í Hrútafirði. Starfshópurinn heyri undir umhverfis-, veitu- og framkvæmdaráð og leggi fundargerðir sínar fyrir ráðið.
• 4.5 2609083 Loftgæði í ráðhúsi Húnaþings vestra
  Umhverfis-, veitu- og framkvæmdaráð - 5 Ráðið leggur til við sveitarstjórn að ráðhúsið við Hvammstangabraut 5 verði selt í núverandi ástandi og felur sviðsstjóra að leggja fram minnisblað um framtíðar húsnæðismöguleika fyrir stjórnsýslu sveitarfélagsins. Bókun fundar Fulltrúar B- og D- lista lögðu fram eftirfarandi bókun:
  
  „Ráðhúsinu við Hvammstangabraut 5 var lokað 12. október eftir að úttektir sýndu myglu á öllum hæðum hússins. Niðurstaða Ferils verkfræðistofu er að húsið henti ekki í núverandi ástandi til að taka á móti almenningi og að úrbætur jafngildi nánast því að rífa það inn að burðarvirki.
  
  Viðgerð af þeirri stærðargráðu er áhættusöm fyrir sveitarfélag. Raunverulegt umfang kemur ekki í ljós fyrr en við niðurrif, og viðbótarverk og kröfur sem af því leiða falla á almannafé. Sveitarfélagið er jafnframt bundið af reglum um opinber innkaup og af þeim kröfum sem gerðar eru til húsnæðis opinberrar stjórnsýslu. Einkaaðili hefur meira svigrúm. Hann getur valið húsinu nýtt hlutverk, ráðið umfangi og áfangaskiptingu endurbóta og unnið verkið á eigin forsendum. Hús sem er sveitarfélaginu byrði getur því verið öðrum tækifæri.
  
  Umhverfis-, veitu- og framkvæmdaráð lagði á 5. fundi sínum til við sveitarstjórn að húsið verði selt í núverandi ástandi og fól sviðsstjóra að leggja fram minnisblað um framtíðarhúsnæði stjórnsýslunnar. Auglýst verður eftir tilboðum í húsið með fresti til 30. nóvember 2026 og væntanlegir kaupendur fá skýrslu Ferils um ástand þess. Í tilboði skal koma fram hvernig kaupandi hyggst nýta húsið. Kostnað við endurbætur meta kaupendur sjálfir út frá eigin áformum, enda ræðst hann af því hlutverki sem húsinu er ætlað. Með sölunni er engin ákvörðun tekin um framtíðarhúsnæði ráðhúss sveitarfélagsins að öðru leyti.
  
  Það er trú meirihlutans að með sölu hússins sé áhættu létt af sveitarsjóði, húsinu gefið færi á nýju hlutverki og sveitarstjórn gert kleift að velja stjórnsýslunni húsnæði til framtíðar án þess að vera bundin af ástandi gamla hússins.“
  
  Varaoddviti samþykkti beiðni fulltrúa N-lista um fundarhlé kl. 15:29.
  
  Fundur hófst að nýju kl. 15:36.
  
  Fulltrúar N-listans lögðu fram eftirfarandi bókun:
  
  „Fulltrúar N-listans telja mikilvægt að framtíðarfyrirkomulag húsnæðismála stjórnsýslu Húnaþings vestra verði tekið til heildstæðrar umræðu og að minnisblað sviðsstjóra umhverfis- veitu- og framkvæmdasviðs liggi fyrir áður en ákvörðun um sölu ráðhússins verði tekin.
  
  Fulltrúar N-lista sýna því fullan skilning að flytja þurfti starfsemi ráðhússins tímabundið vegna aðstæðna í núverandi húsnæði og telja eðlilegt að skoða þá möguleika sem eru, eða gætu verið, í stöðunni. Áður en tekin er afstaða til sölu ráðhússins þurfi að liggja fyrir skýrari framtíðarsýn um hvar starfsemi sveitarfélagsins eigi að vera til húsa til lengri tíma. Einnig leggja fulltrúar N-lista til að fyrir liggi annað álit á ástandi hússins í dag áður en frekari ákvarðanir verða teknar. Fyrir fundinum í dag liggur aðeins eitt kostnaðarmat á endurbótum þess.
  
  Það er stór ákvörðun að selja ráðhús sveitarfélagsins og möguleg bygging nýs ráðhúss, kaup á öðru eða aðrar lausnir geta haft veruleg áhrif á framtíðarskipulag, þjónustu og fjárhag sveitarfélagsins. Eins þarf að huga að áhrifunum á nærumhverfið, enda er ráðhúsið staðsett á einum besta stað á Hvammstanga. Því teljum við mikilvægt að fyrir liggi yfirsýn yfir mögulega valkosti, húsnæðisþörf og kostnað við mismunandi leiðir.
  
  N-listinn leggur áherslu á að málið verði unnið í réttri röð, af skynsemi og með heildarhagsmuni sveitarfélagsins að leiðarljósi.“
  
  Afgreiðsla umhverfis-, veitu- og framkvæmdaráðs borin undir atkvæði og samþykkt með 4 atkvæðum. Viktor Ingi, Magnús Vignir og Eygló Hrund sátu hjá við afgreiðslu málsins.

Málsnúmer 2610011FVakta málsnúmer

• 5.1 2605065 Erindisbréf nefnda og ráða
  Öldungaráð - 14 Farið var yfir erindisbréf öldungaráðs. Guðmundur Sigurðsson var svo kjörinn formaður með öllum greiddum atkvæðum. Jón Haukdal Kristjánsson var kjörinn varaformaður með öllum greiddum atkvæðum.
• 5.2 2602015 Félagsheimilið Hvammstanga - Innanhúshönnun
  Öldungaráð - 14 Sviðsstjóri kynnti framtíðarskipulag félagsheimilisins sem samþykkt var á félagsmálaráðsfundi þann 28. október 2026. Öldungaráð lýsir ánægju með skipulagið.
• 5.3 2511018 Aðgengismál
  Öldungaráð - 14 Öldungaráð beinir eftirfarandi atriðum til sveitarstjórnar:
  -Aðgengi að Höfðabraut 6; háir kanntar á stétt fyrir utan, hátt frá stétt að inngangi og þungar hurðar.
  -Fara yfir aðgengi á gagnstéttum þar sem víða er hátt og ekki niðurtekið.
  -Bekkur ofarlega á Brekkugötu nýtist fáum og væri betur staðsettur út við Höfða.
  -Aðgengi meðfram íþróttahúsi frá Hlíðarvegi.
  -Tryggja merkingar og upplýsingar þegar framkvæmdir eru í gangi til að tryggja öryggi vegfarenda.
  
  Einnig leggur öldungaráð til að sveitarstjórn óski eftir tillögum frá ráðinu vegna fjárhagsáætlunargerðar. Þá leggur öldungaráð til að sveitarstjórn og eftir atvikum aðrar nefndir, vísi málum sem varða eldri borgara til umsagnar ráðsins.
• 5.4 2410027 Lífsgæðakjarni
  Öldungaráð - 14 Byggingar- og skipulagsfulltrúi greindi frá stöðu skipulags lífsgæðakjarna fyrir neðan Nestún. Öldungaráð beinir því til sveitarstjórnar að gera ráð fyrir undirbúningi við gatnagerð og veitur á svæðinu í fjárhagsáætlun fyrir árið 2027.

Málsnúmer 2610010FVakta málsnúmer

• 6.1 2602015 Félagsheimilið Hvammstanga - Innanhúshönnun
  Félagsmálaráð - 274 Fríða Ósmann og Sindri kynntu teikningar af Félagsheimilinu Hvammstanga. Félagsmálaráð samþykkir framlagðar teikningar og leggur áherslu á að framkvæmdar verði breytingar á eldhúsi, suðursal og vesturenda eins og fjármagn leyfir fyrir áramót. Félagsmálaráð kallar jafnframt eftir ítarlegri teikningum af eldhúsi. Sviðsstjóri veitu- og framkvæmdasviðs fór yfir stöðu verkefna í félagsheimilinu. Bókun fundar Afgreiðsla félagsmálaráðs borin undir atkvæði og samþykkt með 7 atkvæðum.

Málsnúmer 2610072Vakta málsnúmer

Málsnúmer 2607015Vakta málsnúmer

Málsnúmer 2403070Vakta málsnúmer

Málsnúmer 2611013Vakta málsnúmer

Málsnúmer 2604011Vakta málsnúmer

Málsnúmer 2610058Vakta málsnúmer

Málsnúmer 2602081Vakta málsnúmer

Málsnúmer 2602081Vakta málsnúmer

Málsnúmer 2311018Vakta málsnúmer