Sveitarstjórn

Málsnúmer 2602008Vakta málsnúmer

Málsnúmer 2603003FVakta málsnúmer

• 2.1 2603026 Fundarboð á aðalfund Lánasjóðs sveitarfélaga 2026
  Byggðarráð - 1273 Unnur Valborg Hilmardsóttir sveitarstjóri var fulltrúi Húnaþings vestra á fundinum.
• 2.2 2512068 Úthlutun byggðakvóta á fiskveiðiárinu 2025-2026
  Byggðarráð - 1273 Í svari ráðuneytisins kemur fram að sérreglur Húnaþings vestra vegna byggðakvóta á fiskveiðiárinu 2025-2026 hafi verið samþykktar.
• 2.3 2603042 Aðalfundur Veiðifélags Arnarvatnsheiðar og Tvídægru
  Byggðarráð - 1273 Unnur Valborg Hilmarsdóttur verður fulltrúi Húnaþings vestra á fundinum, en Elín Lilja Gunnarsdóttir til vara.
• 2.4 2603055 Aðalfundur Veiðifélags Miðfirðinga
  Byggðarráð - 1273 Magnús Magnússon verður fulltrúi Húnaþings vestra á fundinum, en Elín Lilja Gunnarsdóttir til vara.
• 2.5 2601035 Reykjatangi - tjón á húseign
  Byggðarráð - 1273 Í minnisblaðinu er lagt til að í kjölfar tjóns sem varð vegna hitaveituleka verði húsið selt í því ástandi sem það er í. Byggðarráð samþykkir að húseignin F2132834 á Reykjatanga verði seld í því ástandi sem hún er. Byggðarráð felur sveitarstjóra að auglýsa eftir tilboðum í húseignina og leggja fyrir byggðarráð til afgreiðslu. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 2.6 2603069 Viðauki 2 við fjárhagsáætlun 2026
  Byggðarráð - 1273 Lögð fram eftirfarandi tillaga:
  
  „Stofnframlag Brák íbúðafélag vegna Norðurbrautar 15, greiðsla 2/2
  kr. 12.026.613
  Stofnframlag Brák íbúðarfélag vegna Norðurbrautar 15, viðbót
  
  kr. 9.600.000
  
  Hækkun eignfærðrar fjárfestingar
  
  
  
  
  kr. 21.626.613
  
  
  Hækkun eignfærðrar fjárfestingar er mætt með lækkun handbærs fjár.“
  
  Tillagan borin undir atkvæði og samþykkt með 3 atkvæðum.
  
  Viðaukinn hefur ekki áhrif á rekstrarniðurstöðu og er því ekki lagt fram málaflokkayfirlit.
• 2.7 2408018 Umsókn um stofnframlag vegna íbúðaruppbyggingar að Norðurbraut 15
  Byggðarráð - 1273 Byggðarráð staðfestir stofnframlag Húnaþings vestra vegna íbúðauppbyggingar að Norðurbraut 15 í samræmi við framangreint og viðauka þann sem lagður var fram undir 6. dagskrárlið.
  
• 2.8 2603028 Gjaldskrá Hvammstangahafnar - aðstöðugjöld lausafjármuna
  Byggðarráð - 1273 Byggðarráð samþykkir framlagðar tillögur með áorðnum breytingum og felur sveitarstjóra að uppfæra gjaldskrá hafnarinnar og leggja fyrir ráðið.
• 2.9 2603061 Mál til umsagnar - Flýting uppbyggingar raforkuinnviða og einföldun regluverks - Umhverfis-, orku- og loftslagsráðuneytið
  Byggðarráð - 1273 Uppbygging raforkuinnviða er eitt brýnasta hagsmunamál landsbyggðarinnar og landsins alls til að auka og tryggja verðmætasköpum í landinu. Byggðarráð Húnaþings vestra tekur undir markmið áformaskjalsins um mikilvægi þess að einfalda stjórnsýslu og regluverk í tengslum við þá uppbyggingu. Ráðið leggur hins vegar ríka áherslu á að í öllum tilfellum verði að virða friðhelgi eignarréttar sem tryggður er í stjórnarskrá lýðveldisins Íslands. Ótækt er að landeigendur einir verði látnir gjalda fyrir þá uppbyggingu sem nauðsynleg er með óviðunandi bótum fyrir land sem undir þessa mikilvægu innviði er tekið. Jafnframt er mikilvægt að samtal við landeigendur í aðdragana uppbyggingarverkefna sé virkt og að tillit sé tekið til athugasemda þeirra og óska. Að síðustu vill ráðið leggja áherslu á að skipulagsvald er á höndum sveitarfélaga og það verður að virða í hvívetna.
  
  Byggðarráð gerir athugasemd við að ekki var send sérstök tilkynning um málið til sveitafélaga og samtaka landeigenda þar sem framangreind hljóta að vera einn stærsti hagsmunaaðilinn í tengslum við áformin.
  
• 2.10 2603030 Mál til umsagnar - Sveitarstjórnarlög, 505. mál - Umhverfis- og samgöngunefnd Alþingis
  Byggðarráð - 1273 Byggðarráð veitti umsögn um málið þegar það var kynnt í Samráðsgátt stjórnvalda í október 2025 og einnig þegar það var kynnt sem áform í maí 2025. Ráðið fagnar því að tekið hefur verið tillit til margra þeirra ábendinga sem komu fram í umsögnum þess á fyrri stigum. Sérstaklega er ástæða til að fagna því að fallið er frá frumkvæði ráðherra að sameiningum sveitarfélaga, breytingum á lámarksíbúafjölda og skylduaðild að landshlutasamtökum.
  
  Almennt fagnar byggðarráð Húnaþings vestra reglulegri endurskoðun á lagaumhverfi og stjórnsýslu sveitarfélaga með það fyrir augum að efla stjórnsýslu og skýra lagaumhverfi. Ráðið vill þó gera eftirtaldar athugasemdir við einstaka liði frumvarpsins:
  
  15. grein - skylda til að halda fundi
  Byggðarráð ítrekar umsögn sína á fyrri stigum þar sem segir:
  Í ákvæðinu er sett inn skylda til að fundir sveitarstjórnar séu haldnir innan staðarmarka sveitarfélags nema ef óviðráðanlegar ástæður gera fundahald innan sveitarfélagsins ómögulegt. Byggðarráð telur það tímaskekkju að bundið sé í lög að fundi verði að halda innan staðarmarka sveitarfélags. Komið geta upp aðstæður sem kalla á fundahöld utan svæðis sem ekki teljast til óviðráðanlegra aðstæðna. T.d. ef meirihluti sveitarstjórnar er staddur utan sveitarfélags af einhverjum ástæðum. Á tímum þegar tækni leyfir fundahöld hvar sem er ætti að vera óþarfi að binda fundi við staðsetningu innan sveitarfélags.
  
  30. grein - aðgangur að gögnum og þagnarskylda
  Byggðarráð ítrekar umsögn sína á fyrri stigum þar sem segir:
  Ekki eru gerðar athugasemdir við þær breytingar sem gerðar eru á greininni. Hins vegar vill byggðarráð benda á að í skýringum kemur fram að þrátt fyrir að felld sé á brott málsgrein um eðlilegan aðgang að skrifstofu og stofnunum sveitarfélagsins í þeim tilgangi að kynna sér starfsemi sveitarfélags og rekstur geti kjörnir fulltrúar sem fyrr óskað eftir að kynna sér starfsstöðvar sveitarfélagsins í samráði við stjórnendur. Að mati ráðsins væri eðlilegt að það ákvæði væri inni í lagagreinininni eins og það er orðað í skýringum. Með því væri skýrt að kjörnir fulltrúar skuli hafa samráð við stjórnendur um slíkar heimsóknir.
  
  72. og 74. grein - fjárhagsleg viðmið og mat á langtímaáhrifum
  Mikilvægt er að sveitarstjórnarlög veiti greinargóðar leiðbeiningar um hvenær leggja þarf sérstakt mat á áhrifum fyrirhugaðra skuldbindinga á sveitarfélag til lengri tíma. Byggðarráð dregur í efa að þau viðmið sem tilgreind eru í frumvarpinu séu raunhæf. Aðstæður sveitarfélaga eru afar mismunandi og fjárhagslegar skuldbindingar umfram uppgefin viðmið geta verið nauðsynlegar á einhverjum tíma og geta leitt til aukinna tekna sveitarfélagsins. Ráðið leggur því til að þessi hluti frumvarpsins verði endurskoðaður. Byggðarráð fagnar því að fallið er frá þeim áformum að viðmið um heildarskuldir og skuldbindingar A-hluta í reikningsskilum séu ekki hærri en sem nemur 110% heldur verði það viðmið 130%.
  
  110. grein - Samningur um að sveitarfélag taki að sér verkefni fyrir önnur sveitarfélög
  Byggðarráð ítrekar umsögn sína á fyrri stigum þar sem segir:
  Í meginatriðum fagnar byggðarráð þeim breytingum sem lagðar eru til á lagagreininni og telur þær vel til þess fallnar að skýra samstarf sveitarfélaga. Hins vegar gerir ráðið athugasemd við kaflann um kostnaðarskiptingu þar sem sveitarfélaginu sem annast verkefni annars sveitarfélags er heimilað að leggja álag á raunkostnað. Eðlilegt er að viðkomandi sveitarfélag innheimti kostnað sem af umsýslu hlýst en að heimila innheimtu álags án skýringa í lagagreininni er að mati byggðarráðs of opið. Í skýringu með greininni er ágætlega farið yfir það sem við er átt og væri að mati ráðsins eðlilegt að sú skýring kæmi fram í lagagreininni til að koma í veg fyrir ólíka túlkun ákvæðisins. Einnig væri eðlilegt að sett væri hámark á þann kostnað sem innheimta má í þessum tilfellum.
  
  Að síðustu vill byggðarráð benda á að í frumvarpsdrögunum er nokkuð um tilvísanavillur og hvetur til að þær verði lagfærðar og málið birt að nýju til samráðs að því loknu. Einnig vill ráðið gera athugasemd við skamman athugasemdafrest um eins viðamikið og mikilvægt mál og raun ber vitni. Að því sögðu er beðist afsökunar á því að umsögn er send þremur dögum eftir að kynntur umsagnarfrestur rann út.
  
  Til annarra atriða en þeirra sem hér koma fram vísar byggðarráð til umsagnar Sambands íslenskra sveitarfélaga.
  
• 2.11 2603027 Áskorun frá Siglingasambandi Íslands
  Byggðarráð - 1273
• 2.12 2603051 Ársreikningur Jarðasjóðs V-Húnavatnssýslu 2025
  Byggðarráð - 1273
• 2.13 2601077 Fundargerðir stjórnar Hafnasambands Íslands 2026
  Byggðarráð - 1273
• 2.14 2602001 Fundargerðir stjórnar Sambands íslenskra sveitarfélaga 2026
  Byggðarráð - 1273

Málsnúmer 2603008FVakta málsnúmer

• 3.1 2510027 Starfshópur um húsnæðisþörf og þróun útisvæðis Leikskólans Ásgarðs
  Byggðarráð - 1274 Tillögur starfshópsins ganga út frá að leikskólanum sé tryggt nægilegt rými, bæði inni og úti, til næstu áratuga í samræmi við mannfjöldaspár sveitarfélagsins og gildandi lög og reglugerðir. Í tillögunum er fjallað um skipulag deilda, innra skipulag og sameiginleg rými, eldhús og stoðrými, starfsmannaaðstöðu og stoðþjónustu, lóð og útivistarsvæði, bílastæði og umhverfi. Einnig er fjallað um framkvæmdatíma.
  
  Byggðarráð þakkar starfshópnum ítarlega og góða vinnu. Ráðið vísar tillögunum áfram til vinnu nýrrar sveitarstjórnar við gerð fjárhagsáætlunar ársins 2027 og þriggja ára áætlunar 2028-2030 og hvetur til þess að tekið verði fullt tillit til þeirra við þá vinnu. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 3.2 2411049 Opnunartími leikskóla og grunnskóla í kjölfar kjarasamninga
  Byggðarráð - 1274 Starfshópnum eru þökkuð vel unnin störf.
  
  Sveitarstjóra og sviðsstjóra fjármála- og stjórnsýslusviðs er falið að gera drög að viðauka við fjárhagsáætlun vegna tekjuskerðingar sem hlýst af breytingunum sem og að gera nauðsynlegar breytingar á gjaldskrá Leikskólans Ásgarðs sem tekur gildi að sumarleyfi loknu. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 3.3 2603078 Umsókn um lóð á hafnargarði Hvammstanga
  Byggðarráð - 1274 Ekki er unnt að úthluta umbeðnu svæði þar sem þar er ekki skilgreind byggingarlóð heldur svæði fyrir uppsátur skv. deiliskipulagi. Vilji umsækjandi óska eftir breytingum á skipulagi er honum bent á að senda umhverfis- og skipulagsráði formlega beiðni þar um. Vakin er athygli á að skv. 12. gr. samþykktar um byggingarleyfis- og þjónustugjöld ber sá sem óskar eftir breytingu á skipulagi kostnað sem verkið hefur í för með sér verði á annað borð samþykkt að ráðast í slíkar breytingar. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 3.4 2603076 Mál til umsagnar: Lax- og silungsveiði o.fl. (bætt lagaumgjörð), 530. mál
  Byggðarráð - 1274 Ekki þykir ástæða til umsagnar um málið.
• 3.5 2603072 Mál til umsagnar: Drög að breytingu á reglugerð um framkvæmd raforkulaga mál nr. 66/2026
  Byggðarráð - 1274 Um er að ræða útfærslu skilyrða fyrir samþykkt sérstakrar dreifbýlisgjaldskrár dreifiveitna raforku. Fram til þessa hefur verið horft til strangra skilgreininga Hagstofunnar hvaða svæði teljast til dreifbýlis m.t.t. íbúafjölda og fjarlægða á milli húsa. Með breytingunum er lagt til að horfið verði frá þeim viðmiðum en í stað þess tekin upp krafa um að dreifiveitur sýni fram á sannarlegan kostnaðarauka vilji þær beita dreifbýlisgjaldskrá. Byggðarráð fagnar framkominni tillögu og telur hana jákvætt skref í átt að jöfnun raforkukostnaðar milli þéttbýlis og dreifbýlis.
• 3.6 2603075 Mál til umsagnar: Lagareldi, 529. mál
  Byggðarráð - 1274 Byggðarráð veitti umsögn um málið þegar það var kynnt í samráðsgátt stjórnvalda. Ekki fæst séð að tekið hafi verið tillit til þeirra athugasemda sem þar komu fram og er umsögn ráðsins sem bókuð var á 1268. fundi þess þann 26. janúar 2026 því ítrekuð.
  
  Byggðarráð Húnaþings vestra lýsir yfir áhyggjum sínum af áhrifum framlagðra frumvarpsdraga og leggur fram eftirfarandi tillögur sem eru til þess fallnar að vernda náttúru og þar með talið íslenska laxastofninn:
  1. Stækkun opins sjókvíaeldis á frjóum laxi verði stöðvuð og skýr, tímasett áætlun um tækniskipti sett fram.
  Byggðarráð leggst gegn því að heimiluð verði frekari aukning á opnu sjókvíaeldi á frjóum laxi. Ráðið leggur áherslu á að sett verði skýr, tímasett áætlun um að sjókvíaeldi færist yfir í lokuð kerfi og fiskur í sjókvíum verði ófrjór. Frumvarpið gerir slíkt einungis að reglugerðarheimild ráðherra, en ekki skýru lagaákvæði. Sömuleiðis er áréttað að markmiðsgrein frumvarpsins verði aðlöguð þannig að hún samræmist því sem er að finna í núverandi löggjöf um að hagsmunir eldisfyrirtækja megi ekki vera teknir fram yfir hagsmuni náttúrunnar.
  2. Áhættumat erfðablöndunar verði bindandi og megi aldrei verða framleiðsluaukandi bakdyraleið.
  Byggðarráð telur afar varhugavert að ráðherra geti vikið frá ráðgjöf Hafrannsóknastofnunar varðandi áhættumat erfðablöndunar og stillt heildarlaxamagn eftir öðrum þáttum. Áhættumatið ætti einungis að horfa til áhrifa laxeldis á villta laxastofna en ekki horfa til annarra þátta. Byggðarráð áréttar jafnframt að aðgerðir í ám skuli aldrei teljast mótvægisaðgerðir við áhættumat erfðablöndunar.
  3. Undanþáguheimildir sem opna á eldi innan friðunarsvæða verði felldar brott.
  Byggðarráð Húnaþings vestra hafnar sérstaklega 3. mgr. 8. gr. (heimild til lokaðs eða hálflokaðs eldis innan svæða sem ella sættu banni eða friðun). Áratuga rekstrarreynsla við íslenskar aðstæður þyrfti að liggja fyrir sem sýndi með óyggjandi hætti að slík kerfi bæru enga áhættu fyrir villta laxastofna til að unnt væri að veita slíkar undanþágur. Byggðarráð telur að slíkrar reynslu megi aðeins afla á svæðum þar sem sjókvíaeldi er þegar stundað, en ekki með því að opna friðuð og viðkvæm svæði fyrir nýrri starfsemi með tilheyrandi áhættu.
  4. Dregið verði úr réttaróvissu um eignarrétt og komið í veg fyrir framleiðsluaukandi undanþágur.
  Byggðarráð gerir alvarlega athugasemd við að löggjöfin festi mögulega í sessi atvinnuréttindi sem skapa framtíðartregðu til nauðsynlegra breytinga. Fjölmörg álit og umsagnir hafa bent á að hugtakið laxahlutur beri mörg einkenni eignarréttinda, sem geti leitt til skaðabótaskyldu þegar íslensk stjórnvöld setja strangari takmarkanir eða banna eldi í opnum kvíum með frjóum laxi síðar meir.
  5. Viðurlög við stroki verði raunverulega letjandi.
  Byggðarráð telur að ákvæði um strok verði að hafa skýrar, fyrirsjáanlegar afleiðingar sem bíta á rekstrargrundvelli laxeldisfyrirtækja, m.a. með skerðingu framleiðsluheimilda og raunverulega letjandi sektum. Slík úrræði voru í ríkara mæli í fyrri frumvörpum en vantar í þau frumvarpsdrög sem nú eru lögð fram.
  6. Formlegur vettvangur hagsmunaaðila verði styrktur til að tryggja samráð og jafnræði.
  Byggðarráð leggst gegn því að samráðsvettvangur hagsmunaaðila þ.m.t. sveitarfélaga verði veiktur og telur að efla eigi slíkt samráð fremur en að leggja það niður.
  7. Tryggja verður fjármögnun aðgerða veiðifélaga og verndar.
  Byggðarráð telur óheppilegt að fjármögnun vegna vöktunar og rannsókna sé sett fram án skýrrar ráðstöfunar og krefst þess að veiðifélög og veiðiréttarhafar hafi raunhæfan aðgang að fjármagni til vöktunar, rannsókna og nauðsynlegra aðgerða til verndar villtum laxastofnum og lífríki ferskvatns.
  8. Tekjuskipting ríkis og sveitarfélaga.
  Byggðarráð tekur undir athugasemd sem fram kemur í umsögn byggðarráðs Skagafjarðar um málið þar sem lögð er áhersla á að tekjuskipting á milli ríkis og sveitarfélaga vegna greinarinnar verði endurskoðuð. Brýnt er að sveitarfélög fái sína hlutdeild með beinum hætti, líkt og t.d. í Noregi, í stað þess að þurfa að sækja um úthlutun úr Fiskeldissjóði. Er því fagnað að komin sé fram tillaga um samfélagsframlag sem rennur beint til sveitarfélaga en eðlilegt væri að það framlag yrði ákveðið hlutfall af framleiðslugjaldi í stað fjárveitingar af fjárlögum hverju sinni.
• 3.7 2603088 Mál til umsagnar: Verndar- og orkunýtingaráætlun (vindorka og verndarflokkur), 565. mál
  Byggðarráð - 1274 Byggðarráð Húnaþings vestra fagnar vinnu þeirri sem nú stendur yfir við að skýra lagaramma um meðferð virkjunarhugmynda í vindorku innan verndar- og orkunýtingaráætlunar og telur hana löngu tímabæra. Ráðið gerir ekki athugasemd við að virkjunarhugmyndir í vindorku fari inn í rammaáætlun eins og lagt er til í frumvarpsdrögunum enda er um að ræða þann farveg sem í gildi er fyrir aðra virkjanakosti. Að því sögðu vill ráðið leggja ríka áherslu á að skipulagsvaldið er á höndum sveitarfélaga og er hornsteinn í sjálfstjórnarrétti þeirra. Í frumvarpsdrögum á fyrri stigum málsins var í samræmi við það gert ráð fyrir því að virkjunarkostir í vindorku yrðu undanþegnir þeirri meginreglu að niðurstaða rammaáætlunar væri bindandi gagnvart skipulagsvaldi sveitarfélaga. Því verða það að teljast vonbrigði að í því frumvarpi sem hér er lagt fram að niðurstaða rammaáætlunar muni hafa bindandi réttaráhrif gagnvart sveitarfélögunum nái frumvarpið fram að ganga, þvert á það sem lagt var til í frumvarpsdrögum. Með því er tekið tillit til athugasemda orkufyrirtækja og samtaka þeirra en gengið gegn athugasemdum sveitarfélaganna og samtaka þeirra. Það að verkefnisstjórn beri að taka tillit til athugasemda sveitarfélaga sem mótvægi við bindandi réttaráhrif er að mati ráðsins marklaust. Að mati ráðsins er ekkert því til fyrirstöðu að annað gildi um réttaráhrif rammaáætlunar í tengslum við vindorku en vatnsafl og jarðvarma. Ráðið leggst því gegn því að frumvarpið nái fram að ganga í óbreyttri mynd.
• 3.8 2603074 Ársskýrsla og ársreikningur Félags eldri borgara í Húnaþingi vestra 2025
  Byggðarráð - 1274 Byggðarráð þakkar Félagi eldri borgara í Húnaþingi vestra greinargóðar upplýsingar. Félaginu er jafnframt þakkað öflugt sjálfboðastarf við uppbyggingu aðstöðunnar sem það hefur komið sér upp í Samfélagsmiðstöðinni.
• 3.9 2602001 Fundargerðir stjórnar Sambands íslenskra sveitarfélaga 2026
  Byggðarráð - 1274
• 3.10 2511085 Fundargerðir starfshóps um húsnæðisþörf og þróun útisvæðis Leikskólans Ásgarðs lagðar fram til kynningar.
  Byggðarráð - 1274

Málsnúmer 2603010FVakta málsnúmer

• 4.1 2603096 Beiðni um afslátt af leigu á Félagsheimilinu Hvammstanga.
  Byggðarráð - 1275 Beiðnin samræmist ekki reglum um veitingu afsláttar vegna viðburða í samfélagsþágu. Byggðarráð hafnar því beiðninni.
• 4.2 2602008 Ársreikningur 2025
  Byggðarráð - 1275 Elín Jóna Rósinberg, sviðsstjóri fjármála- og stjórnsýslusviðs, fór yfir drög að ársreikningi sveitarsjóðs Húnaþings vestra og undirfyrirtækja fyrir árið 2025. Byggðarráð samþykkir ársreikninginn og vísar til afgreiðslu sveitarstjórnar.
• 4.3 2603091 Mál til umsagnar: Einföldun regluverks og aukin skilvirkni eftirlits með hollustuháttum og mengunarvörnum (einföldun eftirlits), 582. mál
  Byggðarráð - 1275 Byggðarráð tekur undir mikilvægi skýrs og skilvirks regluverks. Markmið stjórnvalda á ávallt að vera að veita sem besta þjónustu með eins einföldum og skilvirkum hætti og kostur er. Ráðið fær hins vegar ekki séð að frumvarpið, eins og það er lagt fram, nái þeim markmiðum og telur að það geti þvert á móti leitt til hins gagnstæða.
  
  Frumvarpið felur í sér verulegar breytingar á verkaskiptingu ríkis og sveitarfélaga. Samkvæmt lögum nr. 7/1998 bera sveitarfélög ábyrgð á heilbrigðiseftirliti sem byggir á staðbundinni þekkingu og nálægð við íbúa og atvinnulíf. Sú þekking er forsenda árangursríks eftirlits og ekki hefur verið sýnt fram á að aukin miðstýring samrýmist þeim lagaramma eða skili betri árangri.
  
  Þá felur frumvarpið í sér grundvallarbreytingu á stjórnskipulagi með því að draga úr hlutverki heilbrigðisnefnda eða fella þær alfarið niður. Slíkar breytingar hafa sætt verulegri gagnrýni í samráðsgátt stjórnvalda á fyrri stigum málsins, þar sem bent hefur verið á að þær veiki sveitarstjórnarstigið og færi stjórnvaldsákvarðanir fjær íbúum. Byggðarráð telur jafnframt að frumvarpið taki ekki nægjanlegt tillit til aðstæðna í dreifbýli, þar sem samræming á landsvísu getur í framkvæmd leitt til minni sveigjanleika og aukins álags á atvinnulíf utan þéttbýlis.
  
  Óljóst er hvernig fjármögnun þeirra verkefna sem samkvæmt frumvarpinu yrðu áfram á höndum sveitarfélaga verður tryggð, nái frumvarpið fram að ganga. Byggðarráð telur það alvarlegan annmarka að ekki liggi fyrir kostnaðarmat né raunhæft mat á áhrifum frumvarpsins á fjárhag sveitarfélaga.
  
  Þrátt fyrir markmið um einföldun er hætta á að frumvarpið leiði til aukins flækjustigs, m.a. vegna óskýrrar verkaskiptingar og mögulegs tvíverknaðar. Einnig lýsir byggðarráð áhyggjum af því að miðlæg leyfisveiting geti leitt til lengri afgreiðslutíma og verri þjónustu, sérstaklega á landsbyggðinni. Slíkar breytingar geta haft veruleg áhrif á rekstrarumhverfi lítilla og meðalstórra fyrirtækja.
  
  Að lokum telur byggðarráð að ekki hafi verið sýnt fram á að þær athugasemdir sem komið hafa frá ESA kalli á svo víðtækar breytingar. Unnt sé að ná fram umbótum innan núverandi kerfis, sbr. umsagnir heilbrigðiseftirlita á fyrri stigum málsins.
  
  Með hliðsjón af framangreindu, og í ljósi þeirrar verulegu gagnrýni sem fram hefur komið á fyrri stigum málsins, leggst byggðarráð Húnaþings vestra gegn því að frumvarpið nái fram að ganga í núverandi mynd. Ráðið hvetur til frekari vinnu við málið í nánu samráði við sveitarfélög landsins, með það að markmiði að tryggja raunverulega einföldun, skýra verkaskiptingu og virðingu fyrir staðbundinni þekkingu og aðstæðum.
  
• 4.4 2603092 Mál til umsagnar: Stofnun atvinnuveganna, 568. mál
  Byggðarráð - 1275 Byggðarráð tekur undir mikilvægi þess að stjórnsýsla á sviði atvinnuvega sé skilvirk og vel skipulögð. Markmið stjórnvalda á ávallt að vera að veita sem besta þjónustu með eins einföldum og skilvirkum hætti og kostur er. Ráðið telur hins vegar að frumvarpið, eins og það er lagt fram, feli í sér of víðtæka og illa ígrundaða breytingu sem geti leitt til aukinnar miðstýringar, fjarlægðar frá atvinnulífi og veikari þjónustu, sérstaklega í dreifbýli. Ráðið gerir eftirfarandi athugasemdir við málið:
  
  Veruleg miðstýring og samþjöppun valds
  Frumvarpið felur í sér að fjölbreytt og ólík verkefni á sviði landbúnaðar, matvælaeftirlits og annarra atvinnugreina eru sameinuð innan einnar stofnunar. Hér er um að ræða grundvallarbreytingu á stjórnsýslu sem gengur lengra en eðlileg einföldun og felur í sér verulega samþjöppun valds. Einnig er gerð athugasemd við áætlaðan tímaramma en ráðið dregur í efa að unnt verði að ný stofnun af þessari stærðargráðu geti mögulega tekið til starfa 1. janúar 2027 eins og fram kemur í frumvarpinu.
  
  Matvælaeftirlit fjarlægist sveitarfélög og nærsamfélag
  Frumvarpið gerir ráð fyrir að matvælaeftirlit flytjist að verulegu leyti frá sveitarfélögum til nýrrar ríkisstofnunar. Með því rofnar tenging eftirlits við nærsamfélag, staðbundna þekkingu og ábyrgð gagnvart íbúum. Slíkar breytingar hafa sætt verulegri gagnrýni á fyrri stigum málsins og bent hefur verið á að þær geti leitt til lakari þjónustu, minni viðbragðshraða og aukinnar fjarlægðar milli eftirlitsaðila og þeirra sem sæta eftirliti.
  
  Hætta á að landbúnaður verði jaðarsettur
  Með sameiningu ólíkra málaflokka innan einnar stórrar stofnunar er hætta á að landbúnaður, sem er lykilatvinnugrein í Húnaþingi vestra og víða um land, verði hlutfallslega veikari innan stjórnsýslunnar. Landbúnaður krefst sérhæfðrar nálgunar og djúprar þekkingar og ekki er sýnt fram á hvernig tryggja eigi að sú áhersla haldist innan enn stærri stofnunar með mun víðfeðmari verkefni en verið hefur.
  
  Veikari þjónusta við bændur og smærri aðila
  Byggðarráð hefur verulegar áhyggjur af því að þjónusta við bændur og smærri rekstraraðila versni. Aðgengi að sérfræðiþjónustu, skýr samskipti og hraðvirk málsmeðferð eru lykilatriði í rekstrarumhverfi landbúnaðar. Hætta er á að slík þjónusta veikist þegar hún færist inn í stærri og miðlægari stofnun með fjölbreyttari verkefni og flóknari stjórnskipan.
  
  Tap á sérþekkingu og yfirsýn
  Sameining stofnana af þessari stærðargráðu felur í sér verulega áhættu á að sérþekking glatist eða þynnist út. Byggðarráð telur óljóst hvernig tryggja eigi að sérþekking á landbúnaði og staðbundnum aðstæðum haldist óskert við þær breytingar sem frumvarpið gerir ráð fyrir. Það kallar m.a. á markvissa dreifingu starfa um allt land.
  
  Neikvæð áhrif á byggðaþróun og skortur á áhrifamati
  Frumvarpið hefur ekki eingöngu stjórnsýsluleg áhrif heldur hefur bein áhrif á byggðaþróun. Í sveitarfélögum þar sem landbúnaður er burðarás atvinnulífs getur aukin fjarlægð í stjórnsýslu og veikari þjónusta haft neikvæð áhrif á búsetu og atvinnu. Slík áhrif hafa ekki verið metin með fullnægjandi hætti. Byggðarráð telur almennt að ekki liggi fyrir nægjanlegt mat á áhrifum frumvarpsins á landbúnað, atvinnulíf í dreifbýli og sveitarfélög. Ekki hefur verið sýnt fram á að þær breytingar sem lagðar eru til muni skila þeim ávinningi sem stefnt er að.
  
  Staðsetning höfuðstöðva og jafnvægi í byggð
  Verði frumvarpið að lögum telur byggðarráð eðlilegt að horft verði sérstaklega til þess að staðsetja höfuðstöðvar nýrrar stofnunar utan svokallaðs Hvítár-Hvítár svæðis. Með hliðsjón af umfangi verkefna stofnunarinnar og mikilvægi hennar fyrir atvinnulíf um allt land liggur beinast við að staðsetning hennar styðji við byggðaþróun og jafnvægi milli landshluta, ekki síst með hliðsjón af tengslum stofnunarinnar við landbúnað og aðrar atvinnugreinar í dreifbýli.
  
  Með hliðsjón af framangreindu leggst byggðarráð Húnaþings vestra gegn því að frumvarpið nái fram að ganga í núverandi mynd. Ráðið hvetur til frekari vinnu við málið í nánu samráði við sveitarfélög og hagsmunaaðila, með það að markmiði að tryggja skilvirka stjórnsýslu sem tekur mið af aðstæðum um land allt og styður við landbúnað og byggðaþróun.
  
  
• 4.5 2603094 Ályktun fulltrúafundar Skógræktarfélags Íslands
  Byggðarráð - 1275

Málsnúmer 2603006FVakta málsnúmer

• 5.1 2506015 Breyting á aðalskipulagi Húnaþings vestra 2014-2026 - Víðihlíð
  Skipulags- og umhverfisráð - 385 Skipulags- og umhverfisráð leggur til við sveitarstjórn að fyrirliggjandi breyting á Aðalskipulagi Húnaþings vestra vegna Víðihlíðar verði samþykkt í samræmi við framkomnar ábendingar Skipulagsstofnunar. Lögð er fram uppfærð greinargerð, skipulagsuppdráttur og skipulagsgögn, þar með talið að setja fram skýra umfjöllun um nýtt svæði og skipulagsákvæði þess. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.
• 5.2 2506014 Deiliskipulagstillaga-Víðihlíð
  Skipulags- og umhverfisráð - 385 Lögð er fram tillaga að deiliskipulagi fyrir svæði við þjóðveg 1 austan við félagsheimilið í Víðihlíð.
  Deiliskipulagið er í samræmi við Aðalskipulag Húnaþings vestra, að teknu tilliti til samþykktrar óverulegrar breytingar á aðalskipulagi.
  
  Skipulags- og umhverfisráðs leggur til við sveitarstjórn að fyrirliggjandi deiliskipulag verði samþykkt. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.
• 5.3 2603060 Stóra-Borg, Merkjalýsing
  Skipulags- og umhverfisráð - 385 Skipulags- og umhverfisráð leggur til við sveitarstjórn að samþykkja framlagða merkjalýsingu Stóru-Borgar í samræmi við meðfylgjandi gögn og felur skipulagsfulltrúa að annast áframhaldandi frágang og senda viðeigandi skráningar. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.
• 5.4 2603090 Merkjalýsing, Reykir Hrútafirði
  Skipulags- og umhverfisráð - 385 Tillaga að bókun.
  
  Skipulags- og umhverfisráð leggur til við sveitarstjórn að samþykkja framlagða merkjalýsingu á Reykjum í Hrútafirði í samræmi við meðfylgjandi gögn og felur skipulagsfulltrúa að annast áframhaldandi frágang og senda viðeigandi skráningar. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.
• 5.5 2603073 Umsókn um skráningar breytingu á fasteign
  Skipulags- og umhverfisráð - 385 Lögð var fram umsókn eigenda að Litla Bóli L217401 um breytingu á skráningu fasteignarinnar F2317572 úr sumarhúsi í íbúðarhús. Fyrir liggur að húsið uppfyllir skilyrði sem gerð eru til íbúðarhúss. Skipulags- og umhverfisráð leggur því til við sveitarstjórn að erindið verði samþykkt og að heimiluð verði breyting á skráningu fasteignarinnar úr sumarhúsi í íbúðarhús. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.
• 5.6 2603079 Svalbarð 2, umsagnarbeiðni - Gistileyfi
  Skipulags- og umhverfisráð - 385 Lögð fram umsagnarbeiðni Sýslumannsins á Norðurlandi vestra vegna umsóknar Hamdisvykur ehf. um leyfi til reksturs gististaðar í flokki II - H að Svalbarði 2, 531 Hvammstanga. Skipulags- og umhverfisráð leggur til við sveitarstjórn að veita jákvæða umsögn vegna umsóknarinnar. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.
• 5.7 2603093 Umsagnarbeiðni um breytingu á aðalskipulagi Húnabyggðar
  Skipulags- og umhverfisráð - 385 Skipulags- og umhverfisráð Húnaþings vestra hefur farið yfir tillögu að Aðalskipulagi Húnabyggðar 2025-2037 og telur að mörk sveitarfélaganna samræmist hvorki gildandi Aðalskipulagi Húnaþings vestra 2014-2026 né skipulagi Húnavatnshrepps 2010-2022.
  Ráðið leggur til við sveitarstjórn að koma þessum athugasemdum á framfæri. Bókun fundar Afgreiðsla skipulags- og umhverfisráðs borin undir atkvæði og samþykkt með 7 atkvæðum.

Málsnúmer 2603007FVakta málsnúmer

• 6.1 2411036 Rekstrarúttekt leikskóla og grunnskóla
  Fræðsluráð - 261 Farið yfir tillögur að hópastærðum frá nemendum í 5. - 10. bekk Grunnskóla Húnaþings vestra. Fræðsluráð útbjó tillögur um viðmið í grunnúthultunarlíkani fyrir Grunnskóla Húnaþings vestra og felur sviðsstjóra að setja þær í opið samráð.
• 6.2 2601071 Skóladagatal leikskóla 2026-2027
  Fræðsluráð - 261 Engar athugasemdir hafa borist. Fræðsluráð samþykkir skóladagatal leikskólans Ásgarðs fyrir skólaárið 2026-2027.
• 6.3 2602071 Skóladagatal grunn- og tónlistarskóla 2026-2027
  Fræðsluráð - 261 Engar athugasemdir hafa borist. Fræðsluráð samþykkir skóladagatal tónlistarskóla og grunnskóla fyrir skólaárið 2026-2027.
• 6.4 2601078 Helstu verkefni fjölskyldusviðs frá síðasta fundi 2026
  Fræðsluráð - 261
• 6.5 2512008F Farsældarteymi - 45
  Fræðsluráð - 261
• 6.6 2603002F Farsældarteymi - 46
  Fræðsluráð - 261

Málsnúmer 2601005FVakta málsnúmer

• 7.1 2503047 Gjaldskrá fyrir félagsþjónustu
  Félagsmálaráð - 267 Félagsmálaráð samþykkir tillögu að breyttri gjaldskrá fyrir dagdvöl þar sem þjónustuþegar munu greiða sérstaklega fyrir fæði annars vegar og fyrir úthlutaða daga í dagdvöl hins vegar.
• 7.2 2507031 Leiðbeiningar fyrir sveitarfélög um framkvæmd sérstaks húsnæðisstuðnings
  Félagsmálaráð - 267 Félagsmálaráð samþykkir breytingar á reglum um sérstakan húsnæðisstuðning í samræmi við leiðbeiningar frá félags- og húsnæðismálaráðuneyti.
• 7.3 2602059 Úthlutun íbúðar 109 í Nestúni
  Félagsmálaráð - 267 Félagsmálaráð samþykkir að úthuta Marinó Björnssyni og Kanda Prathai íbúð 109 í Nestúni.
• 7.4 2603001 Hlutverk SIS-mats við framkvæmd þjónustu skv. lögum nr. 382018
  Félagsmálaráð - 267
• 7.5 2505012 Samfélagsviðurkenningar
  Félagsmálaráð - 267 Frestað til næsta fundar.
• 7.6 2601078 Helstu verkefni fjölskyldusviðs frá síðasta fundi 2026
  Félagsmálaráð - 267
• 7.7 2512008F Farsældarteymi - 45
  Félagsmálaráð - 267
• 7.8 2603002F Farsældarteymi - 46
  Félagsmálaráð - 267

Málsnúmer 2604002Vakta málsnúmer

Málsnúmer 2603069Vakta málsnúmer

Málsnúmer 2408018Vakta málsnúmer

Málsnúmer 2507031Vakta málsnúmer

Málsnúmer 2503047Vakta málsnúmer

Málsnúmer 2311018Vakta málsnúmer