Sveitarstjórn

Málsnúmer 2511002FVakta málsnúmer

• 1.1 2511027 Beiðni um afslátt af leigu á Félagsheimilinu Hvammstanga vegna jólamarkaðar
  Byggðarráð - 1262 Byggðarráð samþykkir veitingu afsláttar vegna viðburða í samfélagsþágu.
• 1.2 2511034 Gróðurhús (bambahús) - Leikskólinn Ásgarður - erindi frá nemendum
  Byggðarráð - 1262 Í erindinu kemur fram að nemendur hyggjast safna sér fyrir gróðurhúsinu og hafi útbúið myndband til að kynna söfnunina sem sent verður á valda aðila. Ekki er óskað eftir fjárstuðningi frá sveitarfélaginu. Nemendur komu til fundar við sveitarstjóra og kynntu verkefnið og færðu henni myndir sem þeir teiknuðu af húsinu, grænmeti o.fl. Myndirnar voru lagðar fram á fundinum.
  
  Byggðarráð fagnar framtaki nemenda í elsta árgangi Leikskólans Ásgarðs og óskar þeim góðs gengis með söfnunina. Stuðningur sveitarfélagsins verður í formi kynningar á verkefninu ásamt því að koma húsinu fyrir á leikskólalóðinni þegar þar að kemur.
• 1.3 2511036 Styrkumsókn - verndun Gunnfaxa
  Byggðarráð - 1262 Því miður er ekki unnt að verða við styrkbeiðninni.
• 1.4 2511037 Viðauki við samning um rekstur Náttúrustofu Norðurlands vestra 2026
  Byggðarráð - 1262 Í viðaukanum felst framlenging á samningi um rekstur Náttúrustofu Norðurlands vestra um eitt ár, út árið 2026.
  Byggðarráð samþykkir framlagðan samning og felur sveitarstjóra undirritun hans. Ráðið skorar á ráðuneyti umhverfis-, orku- og loftslagsmála að ganga sem fyrst frá framtíðarsamningi um rekstur stofunnar til að tryggja rekstrargrundvöll og starfsemi til langs tíma.
  Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 1.5 2511039 Bréf til byggðarráðs, sveitarstjóra og sveitarstjórnar Húnaþings vestra
  Byggðarráð - 1262 Í bréfinu gerir bréfritari athugasemdir við afgreiðslu umsóknar sinnar um námsstyrk vegna náms í kennarafræðum við Háskólann á Akureyri og próftökugjald í fjarnámsstofu.
  
  Umsókn bréfritara um námsstyrk var tekin fyrir á 1250. fundi byggðarráðs og svohljóðandi bókað:
  
  „Fyrir liggur umsögn skólastjóra um beiðnina. Þar kemur fram að kennarahópur grunnskólans sé nær eingöngu skipaður einstaklingum með leyfisbréf eða í viðeigandi námi. Með tilliti til framtíðarskipulags og óvissu um þörf eftir fjögurra ára námstíma er erfitt að meta fyrirliggjandi þörf stofnunarinnar.
  Í ljósi framangreinds og með vísan í 6. gr. reglna um námsstyrki til starfsmanna Húnaþings vestra samþykkir byggðarráð að hafna umsókninni. Umsækjanda er bent á að hámarksstyrkur skv. framangreindum reglum er til tveggja ára og því gætu gefist tækifæri til að sækja um styrk síðar á námstímanum, einkum ef breyting verður á þörf stofnunarinnar.“
  
  Byggðarráð staðfestir fyrri afgreiðslu sína á beiðni um námsstyrk enda er hún í samræmi við gildandi reglur um veitingu námsstyrkja og mat skólastjóra á þörf. Við lok yfirstandandi skólaárs verða um 90% kennara við Grunnskóla Húnaþings vestra með kennsluréttindi auk eins réttindakennara sem er í námsleyfi. Er það hlutfall hátt samanborið við skóla af sambærilegri stærð.
  
  Hvað próftökugjald í fjarnámsstofu varðar urðu þau leiðu mistök að tilkynningu þar um var ekki komið á framfæri við notendur þjónustunnar þegar gjaldskrá tók gildi í upphafi árs 2025. Hlutaðeigendur eru beðnir innilegrar afsökunar á því. Vegna þeirra mistaka verður ekki innheimt próftökugjald vegna ársins 2025.
  
  
• 1.6 2511033 Umsókn um styrk í C-1 lið byggðaáætlunar 2025
  Byggðarráð - 1262 Byggðarráð felur sveitarstjóra að ganga frá umsókn fyrir hönd sveitarfélagsins.
• 1.7 2511041 Þóknun kjörstjórnar
  Byggðarráð - 1262 Í minnisblaðinu er lögð fram tillaga um að þóknun fulltrúa í sameiginlegri kjörstjórn Dalabyggðar og Húnaþings vestra verði í samræmi við þóknun fulltrúa í kjörstjórn Húnaþings vestra. Formaður fái greiddar kr. 8.664 pr. klst. Aðrir stjórnarmenn kr. 7.076 pr. klst.
  Byggðarráð samþykkir framlagða tillögu. Vert er að taka fram að þóknun kjörstjórnar greiðst af sérstökum styrk jöfnunarsjóðs til sameiningarviðræðna. Bókun fundar Liljana Milenkoska vék af fundi kl. 15:06.
  Afgreiðsla byggðarráðs borin undir atkvæði og samþykkt með 6 atkvæðum.
  Liljana kom til fundar að nýju kl. 15:08.
• 1.8 2511025 Verndar- og orkunýtingaráætlun og raforkulög - Mál til umsagnar - Umhverfis- og samgöngunefnd Alþingis
  Byggðarráð - 1262 Ekki þykir ástæða til umsagnar um málið.
• 1.9 2511026 Breyting á þingsályktun nr. 24152 um áætlun um vernd og orkunýtingu landsvæða - Mál til umsagnar - Umhverfis- og samgöngunefnd Alþingis
  Byggðarráð - 1262 Ekki þykir ástæða til umsagnar um málið.
• 1.10 2511032 Innleiðing landsbyggðarmats í stefnumótun og lagasetningu stjórnvalda - Mál til umsagnar - Umhverfis- og samgöngunefnd Alþingis
  Byggðarráð - 1262 Húnaþing vestra vill leggja áherslu á mikilvægi þess að stefnumótun og lagasetning stjórnvalda taki fullt tillit til þeirra aðstæðna sem einkenna sveitarfélög á landsbyggðinni. Reynslan sýnir að ákvarðanir hins opinbera leiða oft til ófyrirséðra áhrifa á rekstur og þjónustu sveitarfélaga utan höfuðborgarsvæðisins. Þetta á sérstaklega við um fjárhagsleg áhrif, en einnig flækjur í regluverki, skerðingu á þjónustu eða aukna stjórnsýslubyrði.
  
  Húnaþing vestra tekur því undir það mat sem fram kemur í greinargerð tillögunnar, að innleiðing landsbyggðarmats geti:
  -
  komið í veg fyrir óvæntar byrðar,
  -
  aukið gagnsæi og samhæfingu í stjórnsýslu ríkisins,
  -
  og bundið í upphafi vinnslu mála þá hagsmuni sem annars kæmu fram alltof seint þegar mótvægisaðgerðir yrðu kostnaðarsamar eða of seint fram komnar.
  
  Sveitarfélagið tekur sérstaklega undir þá áherslu sem fram kemur í tillögunni, að með slíku mati sé „dregið úr líkum á því að síðar þurfi að grípa til kostnaðarsamra mótvægisaðgerða til að leiðrétta óvæntar byrðar eða ósanngjörn áhrif stefnumótunar eða lagasetningar stjórnvalda“. Þetta er grundvallarsjónarmið, ekki aðeins í þágu tiltekinna svæða heldur alls samfélagsins, þar sem vandað ferli frá upphafi tryggir bæði réttláta og hagkvæma ákvörðunartöku fyrir ríkið í heild.
  
  Húnaþing vestra vill jafnframt undirstrika að landsbyggðarmat þarf að byggjast á raunhæfum gögnum og staðbundinni greiningu, í samráði við sveitarfélög sem þekkja aðstæður best. Slíkt samstarf eykur gæði matsins og tryggir að niðurstöður þess verði bæði markvissar og framkvæmanlegar.
  
  Að öllu framangreindu virtu styður Húnaþing vestra heilshugar framlagða þingsályktunartillögu og telur hana mikilvægt skref í átt að sanngjarnari og ábyrgari stjórnsýslu gagnvart íbúum landsbyggðarinnar og sveitarfélögum þeirra.
  
• 1.11 2507018 Beiðni um skipan raflínunefndar vegna Holtavörðuheiðarlínu 1 (2025)
  Byggðarráð - 1262 Í bréfinu kemur fram að ráðuneytið samþykkir skipun raflínunefndar vegna Holtavörðuheiðarlínu 1.
  
  Byggðarráð ítrekar fyrri afstöðu sína til skipan raflínunefnda þess efnis að með því sé gengið á skipulagsvald sveitarfélaga.
• 1.12 2511035 Tilkynningu um fyrirhugaða niðurfellingu af vegaskrá - Brúarholtsvegur nr. 7053-01
  Byggðarráð - 1262
• 1.13 2511038 Kortlagning á aðgerðum sveitarfélaga í umhverfis- og loftslagsmálum - skýrsla
  Byggðarráð - 1262
• 1.14 2501012 Fundargerðir stjórnar Samtaka sveitarfélaga á Norðurlandi vestra 2025
  Byggðarráð - 1262
• 1.15 2501002 Fundargerðir stjórnar Sambands íslenskra sveitarfélaga 2025
  Byggðarráð - 1262
• 1.16 2511042 Úthlutun leiguíbúðar
  Byggðarráð - 1262 Byggðarráð samþykkir framlengingu leigusamnings til 30. nóvember 2026.

Málsnúmer 2511006FVakta málsnúmer

• 2.1 2511054 Holtavörðuheiðarlína 3 - Ákvörðun um línuleið
  Byggðarráð - 1263 Í póstinum kemur fram ákvörðun Landsnets um að farin verði svokölluð byggðaleið sem liggur að mestu samhliða núverandi byggðalínu en ekki heiðaleið sem var sú leið sem Húnaþing vestra hafði mælt með að farin yrði. Byggðarráð lýsir yfir áhyggjum vegna valsins og telur það til þess fallið að tefja framkvæmdir verulega enda er á leiðinni farið í gegnum verðmæt ræktarlönd og fjöldi landeigenda sem semja þarf við er yfir 120.
• 2.2 2511059 Niðurstöður könnunarinnar Sveitarfélag ársins
  Byggðarráð - 1263 Spurningakönnunin var lögð fyrir starfsfólk Húnaþings vestra á fyrri hluta ársins og innihélt spurningar sem könnuðu hug starfsmanna til stjórnunar, starfsanda, launakjara, vinnuskilyrða, sveigjanleika í vinnu, ímynd vinnustaðar, sjálfstæðis í starfi, ánægju og stolts og jafnréttis á vinnustaðnum. Heildareinkunn Húnaþings vestra í könnuninni var 4,2 sem var sjötta besta einkunn af þeim 22 sveitarfélögum sem tóku þátt í ár. Þeir þættir sem skoruðu hæst á meðal starfsmanna sveitarfélagsins lutu að jafnrétti en þeir sem skoruðu lægst lutu að launakjörum og vinnuskilyrðum.
  Byggðarráð fagnar góðri niðurstöðu könnunarinnar og þakkar starfsfólki þátttöku.
• 2.3 2411049 Opnunartími leikskóla og grunnskóla í kjölfar kjarasamninga
  Byggðarráð - 1263 Byggðarráð felur sveitarstjóra að setja framkomnar tillögur í opið samráð líkt og lagt er til í athugasemdum starfshópsins.
• 2.4 2511057 Starfsáætlun byggðarráðs 2026
  Byggðarráð - 1263 Byggðarráð samþykkir framlagða starfsáætlun.
• 2.5 2511061 Umsókn um lögbýli Litla-Ból L217401
  Byggðarráð - 1263 Byggðarráð samþykkir að veita jákvæða umsögn um fyrirhugaða stofnun lögbýlis á jörðinni Litla-Bóli L217401.
• 2.6 2511083 Umsókn um styrk vegna fræðslu um ADHD
  Byggðarráð - 1263 Styrkbeiðnir vegna ársins 2026 hafa verið afgreiddar. Því er ekki unnt að verða við styrkbeiðninni.
• 2.7 2511060 Atvinnu- og nýsköpunarsjóður Húnaþings vestra, úthlutunarreglur og úthlutun 2026
  Byggðarráð - 1263 Byggðarráð samþykkir framlagðar reglur Atvinnu- og nýsköpunarsjóðs Húnaþings vestra og felur sveitarstjóra að auglýsa úthlutun ársins 2026 með umsóknarfresti til 10. janúar 2026. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 2.8 2511056 Úttekt á starfsemi umhverfis-, veitu- og framkvæmdasviðs
  Byggðarráð - 1263 Lagt fram minnisblað vegna úttektar á rekstri umhverfis-, veitu- og framkvæmdasviðs Húnaþings vestra. Tilgangur úttektarinnar er m.a. að greina núverandi skipulag sviðsins, ferla og verkaskiptingu, leggja mat á mönnunar-, húsnæðis- og tækjaþörf og leggja fram tillögur að umbótum þar sem þess gerist þörf. Byggðarráð samþykkir að ráðist verði í úttekt í samræmi við framkomið minnisblað og felur sveitarstjóra að leita tilboða í úttektina hjá til þess bærum aðilum sem byggðarráð tekur afstöðu til í framhaldinu. Úttektin er liður í áherslu sveitarstjórnar á stöðugar umbætur, hátt þjónustustig og góða nýtingu fjármuna. Fjölskyldusvið fór í gegnum sambærilega úttekt fyrir nokkrum árum og var í framhaldinu ráðist í breytingar á sviðinu sem hafa leitt til markvissara og faglegra starfs. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 2.9 2511046 Raforkukerfið á Norðurlandi vestra - Skýrsla fyrir SSNV
  Byggðarráð - 1263
• 2.10 2501002 Fundargerðir stjórnar Sambands íslenskra sveitarfélaga 2025
  Byggðarráð - 1263

Málsnúmer 2512002FVakta málsnúmer

• 3.1 2512014 Viðauki 7 við fjárhagsáætlun 2025
  Byggðarráð - 1264 Lögð fram eftirfarandi tillaga að breytingu á fjárhagsáætlun ársins 2025:
  
  „Rekstur
  Skatttekjur
  Útsvar, lækkun
  19.000.000
  Jöfnunarsjóður, hækkun
  -37.000.000
  
  Félagsþjónusta
  
  Málefni fatlaðra, aukin hlutdeild í tapi
  3.159.000
  
  
  Umferðar- og samgöngumál
  
  Gangstéttir, viðhald
  -8.000.000
  Göngu- og hjólreiðastígar viðhald
  -2.000.000
  Snjómokstur
  -13.500.000
  
  Sameiginlegur kostnaður
  
  Aðkeypt þjónusta
  6.500.000
  
  Eignasjóður
  
  Íþróttamiðstöðin, viðhald 3.000.000
  Lækkun leigutekna
  560.000
  
  Höfnin
  
  Viðhaldsdýpkun
  2.370.000
  
  Vatnsveita
  
  Viðhaldsframkvæmdir
  -10.000.000
  
  Hitaveita
  
  Selt heitt vatn, lækkun
  13.028.000
  
  Félagslegar íbúðir
  
  Lækkun leigutekna vegna framkvæmda
  3.656.000
  
  Fráveitukerfi
  
  Aðkeypt þjónusta
  -8.000.000
  
  Ófyrirséð
  
  Ófyrirséður kostnaður, lækkun
  -3.932.796
  
  Breytt rekstrarafkoma, jákvæð
  -31.159.796
  
  Bættri rekstrarafkomu mætt með hækkun á handbæru fé.
  
  Efnahagur
  Gangstéttir
  -6.000.000
  Íþróttamiðstöð, heitur pottur
  8.000.000
  Leiktæki skólalóð
  25.000.000
  
  Hitaveita
  
  Hitaveita Hvammstangabraut
  -50.000.000
  
  Félagslegar íbúðir
  
  Nestún, endurbætur ein íbúð
  10.000.000
  
  Lækkun eignfærðrar fjárfestingar -13.000.000
  Niðurstaðan hækkar stöðu handbærs fjár.“
  
  Samhliða tillögunni var lagt fram málaflokkayfirlit. Tillagan borin undir atkvæði og samþykkt með þremur atkvæðum. Viðauka 7 vísað til afgreiðslu sveitarstjórnar.
  
• 3.2 2501061 Atvinnu- og nýsköpunarsjóður, lokaskýrsla
  Byggðarráð - 1264 Byggðarráð samþykkir uppgjör verkefnisins og útgreiðslu síðari greiðslu styrks í samræmi við 5. gr. úthlutunarreglna Atvinnu- og nýsköpunarsjóðs. Bókun fundar Afgreiðsla byggðarráðs borin undir atkvæði og samþykkt með 7 atkvæðum.
• 3.3 2512015 Húsnæðisáætlun 2026
  Byggðarráð - 1264 Í minnisblaðinu er farið yfir forsendur áætlunarinnar. Byggðarráð samþykkir þær forsendur sem fram koma og felur sveitarstjóra að ljúka við gerð Húsnæðisáætlunar Húnaþings vestra fyrir árin 2026-2035.
• 3.4 2512019 Samþykkt um tímabundinn afslátt af gatnagerðagjöldum 2026
  Byggðarráð - 1264 Um er að ræða niðurfellingu gatnagerðagjalda af eftirtöldum lóðum út árið 2026 í samræmi við heimild úr 5.gr. laga nr. 153/2006 og 5. gr samþykktar Húnaþings vestra um gatnagerðagjöld nr. 1325/2023: Á Hvammstanga lóðirnar Bakkatún 3, Bakkatún 5, Bakkatún 7, Grundartún 2, Grundartún 17 og Hlíðarvegur 21. Á Laugarbakka lóðirnar Teigagrund 7 og Gilsbakki 1-3. Byggðarráð samþykkir niðurfellingu gatnagerðagjalda af framangreindum lóðum og vísar samþykktinni til afgreiðslu sveitarstjórnar.
• 3.5 2512009 Tilkynning um fyrirhugaða niðurfellingu af vegaskrá - Borðeyrarskólavegur nr. 6495-01
  Byggðarráð - 1264
• 3.6 2512008 Tilkynning um fyrirhugaða niðurfellingu af vegaskrá - Laugarbakkaskólavegur nr. 7080-01
  Byggðarráð - 1264
• 3.7 2512013 Stjórnsýslukæra vegna skipunar raflínunefndar
  Byggðarráð - 1264
• 3.8 2512011 Fjallskilastjórn Miðfirðinga - Fundargerð 2. des. 2025
  Byggðarráð - 1264
• 3.9 2501012 Fundargerðir stjórnar Samtaka sveitarfélaga á Norðurlandi vestra 2025
  Byggðarráð - 1264

Málsnúmer 2511007FVakta málsnúmer

• 4.1 2503058 Niðurstöður kannanna í Grunnskóla Húnaþings vestra 2025
  Fræðsluráð - 257 Skólastjóri grunnskóla fór yfir helstu niðurstöður foreldrakönnunar Skólapúlsins frá því í febrúar 2025. Fræðsluráð þakkar fyrir greinargóða yfirferð.
• 4.2 2502066 Reglur um leikskólaþjónustu
  Fræðsluráð - 257 Rætt um ýmis atriði í drögum að reglum um leikskóla. Sviðsstjóra falið að vinna málið áfram.
• 4.3 2411036 Rekstrarúttekt leikskóla og grunnskóla
  Fræðsluráð - 257 Farið yfir forsendur grunnmönnunarlíkana fyrir leikskóla og grunnskóla samkvæmt úttekt Ásgarðs skólaþjónustu.
• 4.4 2511055 Nemendagrunnur
  Fræðsluráð - 257 Fræðsluráð samþykkir tillögur að samræmdum dagsetningum er varða nemendagrunn.
• 4.5 2501036 Helstu verkefni fjölskyldusviðs frá síðasta fundi 2025
  Fræðsluráð - 257 Samþykkt að næsti fundur fræðsluráðs verði fimmtudaginn 18. desember 2025 kl. 15:00.

Málsnúmer 2511005FVakta málsnúmer

• 5.1 2508038 Úthlutun íbúðar 303, Norðurbraut 13
  Félagsmálaráð - 265 Sviðsstjóri upplýsti um að einstaklingi var boðin íbúð 303 þar sem selja á félagslega íbúð þar sem viðkomandi bjó. Þar af leiðand verður íbúð 303 ekki úthlutað.
• 5.2 2507031 Leiðbeiningar fyrir sveitarfélög um framkvæmd sérstaks húsnæðisstuðnings
  Félagsmálaráð - 265 Félagsmálaráð felur sviðsstjóra að vinna málið áfram og kynna sérstaklega fyrir byggðarráði og/eða sveitarstjórn áhrif leiðbeininganna.
• 5.3 2503047 Gjaldskrá fyrir félagsþjónustu
  Félagsmálaráð - 265 Félagsmálaráð samþykkir gjaldskrá félagsþjónustu 2026 og vísar til afgreiðslu sveitarstjórnar.
• 5.4 2505012 Samfélagsviðurkenningar
  Félagsmálaráð - 265 Félagsmálaráð felur sviðsstjóra að vinna málið áfram og kynna sérstaklega fyrir sveitarstjórn og/eða byggðarráði. Félagsmálaráð mun fjalla aftur um málið á næsta fundi.
• 5.5 2503037 Gjaldskrá akstursþjónustu fatlaðs fólks
  Félagsmálaráð - 265 Félagsmálaráð samþykkir gjaldskrá fyrir akstursþjónustu fatlaðs fólks og vísar til afgreiðslu sveitarstjórnar.
• 5.6 2501036 Helstu verkefni fjölskyldusviðs frá síðasta fundi 2025
  Félagsmálaráð - 265 Sviðsstjóri fór yfir helstu verkefni fjölskyldusviðs frá síðasta fundi.
  Einnig samþykkt að næsti fundur verði miðvikudaginn 7. janúar 2026.

Málsnúmer 2512001FVakta málsnúmer

• 6.1 2512001 Skýrsla búfjáreftirlitsmanns árið 2025
  Landbúnaðarráð - 222 Tilkynningar vegna búfjár voru með allra minnsta móti í ár. Skráð voru 15 atvik vegna búfjáreftirlits á árinu, sjö vegna hrossa og átta vegna sauðfjár.
  
  Landbúnaðarráð þakkar Júlíusi Guðna fyrir greinagóða yfirferð.
• 6.2 2507058 Veiðieftirlit vegna gæsa- og rjúpnaveiða haustið 2025
  Landbúnaðarráð - 222 Veiðieftirlit gekk vel árið 2025. Veiðidagar voru 20 í ár. Farnar voru tvær eftirlitsferðir á Víðidalstunguheiði og ein á Arnarvatnsheiði. Ekki þurfti að hafa afskipti af veiðimönnum í þessum ferðum. Aðgengi að Víðidalstunguheiði er skert vegna færðar vegna kvísla sem þarf að þvera. Almennt virðist vera ánægja með fyrirkomulag veiðanna, stjórn og vöktun sveitarfélagsins á svæðinu.
  
  Landbúnaðarráð þakkar Júlíusi Guðna greinagóða yfirferð.
• 6.3 2507057 Uppgjör rjúpna- og gæsaveiða 2025
  Landbúnaðarráð - 222
• 6.4 2507019 Fjárhagsáætlun 2026
  Landbúnaðarráð - 222
• 6.5 2506033 Skýrsla vegna fjallagrasatínslu 2025
  Landbúnaðarráð - 222
• 6.6 2512012 Umsögn um frumvarp til laga um breytingu á lögum nr. 142004 um erfðafjárskatt
  Landbúnaðarráð - 222 Landbúnaðarráð Húnaþings vestra gerir alvarlegar athugasemdir við þær breytingar sem fjármálaráðuneytið hyggst gera á lögum nr. 14/2004 um erfðafjárskatt.
  Samkvæmt lögunum eins og þau standa í dag skulu fasteignir vera taldar á fasteignamatsverði eins og það er skráð hjá Húsnæðis- og mannvirkjastofnun (HMS). Með fyrirhuguðum breytingum, gangi þær í gegn, verður land hins vegar miðað við markaðsverð nema telja megi að mismunur þess og fasteignamats sé óverulegur. Tiltekið er í greinargerð sem fylgir frumvarpinu að þessi breyting sé fyrirhuguð þar sem að fasteignamat reynist oft vera langt undir markaðsverði. Engin rök eða dæmi fylgja með þessari fullyrðingu, ekki er tiltekið hver eigi eða hvernig eigi að meta hvort mismunur markaðsverðs og fasteignamats sé óverulegur og hvergi er tilgreint hvernig á að meta markaðsverð. Fasteignamat á samkvæmt lögum að endurspegla markaðsverð og HMS reiknar slíkt meðal annars út frá seldum eignum í aðdraganda uppreiknings fasteignamats, sem á sér stað einu sinni á ári. Erfitt er að sjá rök fyrir því að aðrar reglur eigi að gilda um land en aðrar fasteignir.
  Ljóst er að breyting þessi kemur fyrst og fremst niður á bændum. Erfingjar bænda eru oft á tíðum næsta kynslóð bændastéttarinnar og er því verið að gera kynslóðaskipti í búskap enn erfiðari en þau eru nú þegar. Breyting á við þessa getur hæglega orðið til þess að erfingjar neyðist til að selja jarðir sem þeir erfa þar sem erfðafjárskattur af þessu mjög svo óskilgreinda markaðssverði reynist vera mun hærri skattaskuld en búrekstur stendur undir, og opnar þetta því enn frekar á að jarðir fari úr búrekstri og seljist til fjársterkra einstaklinga sem hyggjast hvorki byggja jarðir sínar né stunda á þeim rekstur af neinu tagi.
  Landbúnaðarráð hvetur fjármálaráðuneytið til að hverfa frá fyrirhuguðum breytingum.

Málsnúmer 2511004FVakta málsnúmer

• 7.1 2503036 Reglur um úthlutun félagslegra íbúða og íbúða fyrir aldraða í Húnaþingi vestra
  Öldungaráð - 12
• 7.2 2509031 Endurnýjun bifreiðar í dagþjónustu og ferðaþjónustu fatlaðra
  Öldungaráð - 12 Sviðsstjóri kynnti stöðu á innflutningi. Öldungaráð fagnar tilkomu nýrrar bifreiðar. Öldungaráð beinir því til sveitarstjórnar að huga að akstursþjónustu fyrir aldraða til viðbótar við dagþjónustuna.
• 7.3 2511018 Aðgengismál
  Öldungaráð - 12 Öldungaráð lýsir áhyggjum af ástandi gangstétta og aðgengi fyrir hreyfihamlaða. Öldungaráð beinir því til sveitarstjórnar að gera átak í þessum málum.
• 7.4 2311015 Íbúðir aldraða Nestúni
  Öldungaráð - 12 Sviðsstjóri greindi frá endurbótum á íbúð í Nestúni. Öldungaráð bendir einnig á nauðsyn þess að koma upp aðstöðu til að hlaða rafbíla við Nestún.
• 7.5 2310068 Gott að eldast
  Öldungaráð - 12 Sesselja Kristín Eggertsdóttir og Henrike Wappler greindu frá stöðu verkefnisins og fjölda í þjónustu. Öldungaráð lýsir ánægju sinni með verkefnið.
• 7.6 2506029 Samstarfssamningur um afnot af Félagsheimilinu Hvammstanga
  Öldungaráð - 12 Öldungaráð lýsir ánægju sinni með samstarfið og aðstöðuna.
• 7.7 2501036 Helstu verkefni fjölskyldusviðs frá síðasta fundi 2025
  Öldungaráð - 12

Málsnúmer 2512019Vakta málsnúmer

Málsnúmer 2503047Vakta málsnúmer

Málsnúmer 2503037Vakta málsnúmer

Málsnúmer 2512014Vakta málsnúmer

Málsnúmer 2310034Vakta málsnúmer

Málsnúmer 2311018Vakta málsnúmer