Skipulags- og umhverfisráð

Skipulagslýsing hefur verið auglýst skv. skipulagögum nr. 123/2010

Umsagnir stofnana sem bárust á auglýstum tíma.

Skipulagsstofnun bendir á að tilgreina þurfi nánar fjölda gistirýma og byggingarmagn, meta áhrif á votlendi og náttúruvernd, auk þess að skoða hvort framkvæmdin sé tilkynningarskyld samkvæmt lögum um umhverfismat framkvæmda og áætlana.
Vegagerðin gerir kröfu um að allar tengingar við Sindrastaðaveg séu háðar samþykki Vegagerðarinnar og að metin verði burðargeta vegarins og möguleg lagfæring vegna aukinnar umferðar.
Heilbrigðiseftirlit Norðurlands vestra krefst þess að skilgreint verði vatnsverndarsvæði og fráveitulausnir, auk varna gegn mengun vatns og grunnvatns.
Náttúrufræðistofnun leggur ríka áherslu á vernd votlendis og fuglalífs og varar við því að setja fordæmi fyrir umfangsmikla uppbyggingu á lítt röskuðu votlendi með hátt verndargildi.
Míla gerir engar athugsemdir.

Athugasemdir aðliggjandi landeigenda.

Landeigendur Litla-Bóls óska eftir að fyrirhuguð uppbygging og vegstæði verði í a.m.k. 300 metra fjarlægð frá landamerkjum vegna áhyggja af aukinni umferð, hávaða og ónæði.
Landeigendur Lækjarmóta hafna fyrirliggjandi afmörkun skipulagssvæðisins og benda á að ekki hafi verið haft nægilegt samráð við aðliggjandi landeigendur áður en breytingin var auglýst.


Skipulags- og umhverfisráð leggur til við sveitarstjórn að allar umsagnir stofnana og athugasemdir verði teknar til skoðunar og að viðeigandi breytingar verði gerðar á skipulagstillögunni í samræmi við ábendingar þeirra.
Tekið verði tillit til athugasemda aðliggjandi jarðareigenda áður en tillaga að aðalskipulagi verður auglýst.
Tillagan verði unnin með hliðsjón af niðurstöðum umhverfismats, og tekið verði sérstakt tillit til votlendis, náttúruverndar og annarra umhverfisþátta.

Deiliskipulagstillagan hefur verið auglýst skv. skipulagslögum nr 123/2010.

Umsagnir sem bárust á auglýstum tíma
RARIK
- Vekur athygli á háspennu- og lágspennustrengjum innan svæðisins.
- Byggingar skulu ekki staðsettar þar sem strengir liggja í jörðu.
- Samráð við RARIK nauðsynlegt áður en framkvæmdir hefjast.
Veðurstofa Íslands
- Gerir ekki athugasemdir.
Minjastofnun
- Gerir ekki athugasemdir.
Vegagerðin
- Bendir á að aðstæður við þjóðveg 1 séu ábótavant m.t.t. öryggissvæða og fjarlægða bygginga.
- Nauðsynlegt að skoða fjölda og staðsetningu tenginga við Hringveg, tryggja umferðaröryggi og meta möguleg áhrif á umferð.
- Framkvæmdir innan veghelgunarsvæðis háðar leyfi Vegagerðarinnar.
- Leggur til að unnið verði samgöngumat ef gert er ráð fyrir verulegri aukningu á umferð.
Náttúrufræðistofnun Íslands
- Gerir ekki athugasemdir en bendir á að samkvæmt vistgerðakorti geti verið votlendi syðst á svæðinu.
- Mælir með að votlendi verði hlíft ef það reynist vera til staðar.


Skipulags- og umhverfisráð samþykkir að taka umsagnirnar til greina.
- Gætt að öryggismálum og skilyrðum Vegagerðarinnar um fjarlægðir frá þjóðvegi og tengingar. Framkvæmdir eru utan helgunarsvæðis Vegagerðarinnar og einungis verða um 15 herbergi á svæðinu þar sem nýting á herbergjum hefur verið 47-49% á ársgrundvelli síðustu 3 ár samkvæmt upplýsingum frá Hagstofunni. Því er um að ræða 7-8 bíla á sólarhring sem nýta núverandi innkeyrslu að lóðinni.
- Tryggt samráð við RARIK vegna legu strengja.
- Tekið tillit til ábendinga Náttúrufræðistofnunar varðandi mögulegt votlendi.

Skipulags- og umhverfisráð leggur til við sveitarstjórn að samþykkja auglýsta tillögu á nýju deiliskipulagi fyrir svæði við félagsheimilið Víðihlíð. Um er að ræða skilgreiningu svæðis sem verslunar- og þjónustusvæðis þar sem gert er ráð fyrir byggingu 15 kúluhúsa til gistingar ásamt bílastæðum. Teknar verða til greina umsagnir sem við á og að unnið verði í samráði við viðeigandi stofnanir.

Um er að ræða óverulega breytingu á deiliskipulagi í sbr. 2. mgr. 43. gr. skipulagslaga nr. 123/2010.
Fyrirhuguð breyting verður því grenndarkynnt fyrir eigendum og íbúum aðliggjandi lóða sem eru Lindarvegur 6, 8, 10, 12 og Kirkjuvegur 2, 4, 6 og 8

Skipulags- og umhverfisráð leggur til við sveitarstjórn að samþykkja grenndarkynningu á tillögunni.

Skipulags- og umhverfisráð leggur til við sveitarstjórn að hafin verði vinna að deiliskipulagstillögu við Nestún sem kallað er „Lífsgæðakjarni“ sem hefur það markmið að skapa fjölbreytt og aðgengilegt búsetuúrræði fyrir íbúa 50 ára og eldri.
Verkefnið er hugsað sem heildstæð lausn þar sem lögð er áhersla á lífsgæði, nálægð við náttúru og virka samfélagslega þátttöku.
Með það að leiðarljósi að móta framtíðarúrræði sem samrýmist stefnu sveitarfélagsins um fjölbreytt búsetuskilyrði og bætt lífsgæði eldri íbúa.

Skipulags- og umhverfisráð þakkar innsendan póst. Ráðið leggur til við sveitarstjórn að hafin verði vinna við heildarendurskoðun á deiliskipulagi fyrir Borðeyri, með vísan til 1. mgr. 43. gr. skipulagslaga nr. 123/2010, þar sem heimilt er að gera breytingar á deiliskipulagi þegar þörf er á. Núverandi deiliskipulag er orðið gamalt og sýnir misræmi við gildandi aðalskipulag sveitarfélagsins.

Við endurskoðunina verði lögð sérstök áhersla á að tryggja verndarsvæði í byggð og að ímynd gamalla húsa verði leiðandi þáttur í framtíðarskipulagi Borðeyrar. Með því er leitast við að varðveita sérstöðu og yfirbragð staðarins, þar sem mikil saga og menningararfur býr í húsum og götum þorpsins. Endurskoðunin skapar jafnframt tækifæri til að styrkja sjálfsmynd Borðeyrar sem sögulegs þéttbýlis með sterka ímynd, sem nýtur virðingar bæði meðal íbúa og gesta.

Skipulags- og umhverfisráð leggur til við sveitarstjórn að samþykkja framlagða merkjalýsingu fyrir lóðir að Kirkjuhvegi 2, 4, 6 og 8.
Lýsingin er unnin á grundvelli gildandi skipulagsáætlana, mælinga og skráðra heimilda, í samræmi við ákvæði laga nr. 6/2001 um skráningu og mat fasteigna og reglugerða settra samkvæmt þeim.
Merkjalýsing hefur verið kynnt lóðarhöfum og voru engar athugasemdir gerðar við hana.

Málið framlagt og kynntar niðurstöður Skipulagsstofnunar.

Skipulags- og umhverfisnefnd bendir á að umrædd framkvæmd Veiðifélags Miðfjarðarár er framkvæmdaleyfisskyld.