Umhverfis-, veitu- og framkvæmdaráð - 3

Fulltrúar N-listans lögðu fram eftirfarandi bókun:

„Fulltrúar N-listans gera athugasemd við að fundur umhverfis-, veitu- og framkvæmdaráðs skuli fara fram kl. 9 að morgni sama dags og sveitarstjórnarfundur hefst kl. 15.
Með þessu berast fundargerð og fundargögn sveitarstjórn með mjög skömmum fyrirvara, sem takmarkar verulega þann tíma sem kjörnir fulltrúar hafa til að kynna sér málin, kalla eftir upplýsingum og leggja mat á þau áður en þau koma til afgreiðslu sveitarstjórnar.
Að mati fulltrúa N-listans er þetta ekki ásættanlegt verklag og samræmist illa vönduðum stjórnsýsluháttum. Mikilvægt er að sveitarstjórn hafi raunhæft svigrúm til að kynna sér og ræða þau mál sem hún á að taka afstöðu til.
Fulltrúar N-listans leggja því áherslu á að fundir nefnda og ráða séu undantekningarlaust skipulagðir með þeim hætti að sveitarstjórn fái nægan fyrirvara og eðlilegan tíma til undirbúnings áður en mál koma til afgreiðslu.“

Oddviti lagði fram eftirfarandi bókun:
„Þessi fundartilhögun kom til vegna sérstakra aðstæðna og ekki stendur til að þetta verði til eftirbreytni.“

Aðrir liðir fundargerðarinnar og fundargerðin í heild sinni borin undir atkvæði og samþykkt með 7 atkvæðum.