-
Byggðarráð - 1257
Byggðarráð samþykkir framlagðan samning og vísar honum til afgreiðslu sveitarstjórnar.
-
Byggðarráð - 1257
Byggðarráð tilnefnir sveitarstjóra í samráðsvettvang Sóknaráætlunar.
Bókun fundar
Afgreiðsla byggðarráðs borin undir atkvæði og samþykkt með 7 atkvæðum.
-
Byggðarráð - 1257
Byggðarráð samþykkir að úthluta Dictum ehf. íbúðina að Garðavegi 18, neðri hæð, til 30. september 2026.
-
Byggðarráð - 1257
Málið var lagt fram á 156. löggjafarþingi en náði ekki fram að ganga. Byggðarráð veitti umsögn um málið á 1243. fundi sínum þann 28. apríl 2025 þar sem gerð var athugasemd við að með frumvarpinu yrði lögð fram ein innviðastefna fyrir öll málefnasvið ráðuneytisins. Í því frumvarpi sem nú er lagt fram er horfið frá þeim áformum. Byggðarráð fagnar þeirri breytingu. Í fyrirliggjandi frumvarpsdrögum er hins vegar gerð sú breyting á 4. gr. að í stað þess að skipa skuli þrjú stefnuráð skipi ráðherra „stefnuráð, eitt eða fleiri“. Með því er opnað á þann möguleika að þrátt fyrir að stefnur séu lagðar fram á hverju málefnasviði sé aðeins eitt ráð sem ber ábyrgð á undirbúningi og vinnu við þær allar. Byggðarráð gerði athugasemd við þá breytingu þegar málið var lagt fram á síðasta þingi með þeim rökum að málefnasvið á sviði samgöngu-, byggðamála og fjarskipta er afar breitt sem getur komið niður á gæðum vinnunnar sökum skorts á sérþekkingu. Auk þess yrði vinnan afar viðamikil. Í skýringum með frumvarpsdrögunum eru megin rökin með einu stefnuráði m.a. tilgreind aukin samhæfing í stefnumörkun á málefnasviðum ráðuneytisins. Samhæfingu má að mati byggðarráðs auðveldlega ná fram með öðrum leiðum en að fela einu þriggja manna ráði ábyrgð á vinnu við allar stefnur á málefnasviði ráðuneytisins. Byggðarráð Húnaþings vestra ítrekar þá athugasemd og leggur til að horfið verði frá þeim áformum að skipað verði eitt stefnuráð.
-
Byggðarráð - 1257
Sveitarstjóra falið að vinna drög að umsögn um málið.
-
Byggðarráð - 1257
Málið var áður lagt fram á 156. löggjafarþingi en náði ekki fram að ganga. Það er nú endurflutt með breytingum í samræmi við nefndarálit meirihluta umhverfis- og samgöngunefndar. Byggðarráð veitti svohljóðandi umsögn um málið á 124. fundi sínum sem haldinn var þann 31. mars 2025:
Byggðarráð Húnaþings vestra styður mótun heildrænnar borgarstefnu fyrir Ísland. Ráðið telur mikilvægt að í slíkri stefnu sé skýrt kveðið á um hlutverk og skyldur höfuðborgar og svæðisborgar gagnvart landsbyggðunum. Í framkomnum drögum vantar að mati ráðsins nokkuð þar upp á og meðal annars nauðsynlegt að rík áhersla sé lögð á hlutverk Reykjavíkurflugvallar og Landspítalans í þjónustu við landsbyggðirnar. Einnig leggur ráðið áherslu á að til viðbótar við samgöngur á lofti er brýnt að samgöngur á landi séu viðunandi svo íbúar landsbyggðanna hafi sem best aðgengi að þjónustu í höfuðborginni. Í því sambandi vill ráðið leggja áherslu á að ráðist verði í byggingu Sundabrautar sem allra fyrst enda sýni greiningar að íbúar Húnaþings vestra sæki sér þjónustu sem ekki er veitt í nærumhverfi að mestu á höfuðborgarsvæðið. Sú framkvæmd myndi auðvelda aðgengi íbúa á vestur- og norðurhluta landsins að þjónustu í Reykjavík til mikilla muna. Byggðarráð tekur undir sjónarmið þau sem fram koma í umsögn Skagafjarðar og fleiri sveitarfélaga um að þess verði gætt að borgarstefna leiði ekki til þess að dregið verði úr nauðsynlegri uppbyggingu grunninnviða annarsstaðar á landinu m.a. hvað varðar heilbrigðisþjónustu, mennta- og menningarmál, löggæslu og opinbera stjórnsýslu. Með öðrum orðum að stefnan leiði til uppbyggingar en ekki til frekari skerðinga á þjónustu á landsbyggðunum en orðið er.
Byggðarráð ítrekar framangreinda umsögn.
-
Byggðarráð - 1257
-
Byggðarráð - 1257
-
Byggðarráð - 1257
-
Byggðarráð - 1257
-
Byggðarráð - 1257
-
Byggðarráð - 1257
Byggðarráð samþykkir að vísa framlagðri fjárhagsáætlun ársins 2026 og þriggja ára áætlun 2027-2029 fyrir sveitarsjóð og undirfyrirtæki til fyrri umræðu í sveitarstjórn þann 9. október 2025.
