Fundargerð 1242. fundar byggðarráðs frá 7. apríl sl. lögð fram til afgreiðslu á 390. fundi sveitarstjórnar eins og einstök erindi bera með sér.
-
Byggðarráð - 1242
Sveitarstjóra er falið að senda inn umsókn fyrir hönd sveitarfélagsins.
-
Byggðarráð - 1242
Styrkir til leikfélaga árið 2025 voru auglýstir með umsóknarfresti til 1. apríl sl. Ein umsókn barst frá Handbendi brúðuleikhúsi. Byggðarráð samþykkir að styrkja Handbendi um kr. 300 þúsund til uppsetningar á sýningunni Karíus og Baktus í Húnaþingi vestra.
Bókun fundar
Dagskrárliðurinn borinn undir atkvæði og samþykktur með 7 atkvæðum.
-
Byggðarráð - 1242
Sveitarstjóri og sviðsstjóri fjármála- og stjórnsýslusviðs leggja fram eftirfarandi tillögu að viðauka nr. 2 við fjárhagsáætlun ársins 2025 að upphæð kr. 38.629.837:
„Eignasjóður
Stofnframlag Brák íbúðafélag vegna Norðurbrautar 15
kr. 36.079.837
Dæla á slökkvibifreið
kr. 2.550.000
Hækkun eignfærðrar fjárfestingar er mætt með lækkun handbærs fjár.
Stofnframlagið tengist íbúðauppbyggingu að Norðurbraut 15. Áður samþykkt á 384. fundi sveitarstjórnar sem fram fór þann 17. október 2024. Um er að ræða 75% framlags sveitarfélagsins. 25% framlagsins verður greitt við öryggisúttekt þegar húsið er risið sumarið 2026.
Í lok árs 2024 var samhliða kaupum á VW Amarok bifreið slökkviliðsins gert ráð fyrir kaupum á dælu. Ekki náðist að flytja dæluna inn fyrr en nú.
Ekki er lagt fyrir málaflokkayfirlit þar sem viðaukinn hefur ekki áhrif á rekstrarniðurstöðu ársins 2025.“
Tillagan borin undir atkvæði og samþykkt með 3 atkvæðum.
Á móti fjárfestingu í stofnframlagi vegna íbúðabyggingar að Norðurbraut 15 verða innheimt opinber gjöld af byggingu hússins, t.a.m. gatnagerðar- og tengigjöld.
-
Byggðarráð - 1242
Elín Jóna Rósinberg, sviðsstjóri fjármála- og stjórnsýslusviðs, fór yfir drög að ársreikningi sveitarsjóðs Húnaþings vestra og undirfyrirtækja fyrir árið 2024. Byggðarráð samþykkir ársreikninginn og vísar til afgreiðslu sveitarstjórnar.
-
Byggðarráð - 1242
-
Byggðarráð - 1242
Byggðarráð samþykkir úthlutun lóðarinnar Kirkjuhvammsvegar 4 til Reykjahöfða ehf. í samræmi við þá skilmála sem um lóðaúthlutanir hjá Húnaþingi vestra gilda.
Bókun fundar
Dagskrárliðurinn borinn undir atkvæði og samþykktur með 7 atkvæðum.
-
Byggðarráð - 1242
Í erindinu er óskað eftir að sveitarfélagið greiði útlagðan efniskostnað sem hlaust af meðhöndlun hryssu sem slaðaðist í stóðsmölun. Fyrir liggur álit lögmanns. Samkvæmt því er ekki hægt að líta svo á að sveitarfélagið beri ábyrgð á tjóni á búpeningi við smalamennsku. Kröfunni er því hafnað.
Bókun fundar
Afgreiðsla byggðarráðs borin undir atkvæði og samþykkt með 7 atkvæðum.
-
Byggðarráð - 1242
Til umsagnar er frumvarp um breytingu á lögum um verndar- og orkunýtingaráætlanir sem miðar að því að bæta málsmeðferð og auka skilvirkni. Staða raforkumála á Íslandi í dag er grafalvarleg og skert aðgengi að orku hefur bein áhrif á möguleika sveitarfélaga til eflingar atvinnulífs og þar með fjölgunar íbúa. Því er ljóst að leita þarf leiða til að stytta málsmeðferð og auka skilvirkni í ferlinu öllu. Byggðarráð sér ekki ástæðu til að gera athugasemdir við einstaka greinar frumvarpsins en vill koma á framfæri eftirfarandi áherslum:
1) Brýnt er að hafa í huga og taka fullt tillit til óskoraðs skipulagsvalds sveitarfélaga. Ekki verður á það fallist að á það verði gengið með nokkrum hætti. Breytingar á heimildum sveitarfélaga til frestunar ákvarðana um landnotkun sem fram eru settar í frumvarpinu vekja áhyggjur af því að á skipulagsvaldið sé gengið. Rammaáætlun er nú þegar inngrip inn í sjálfsákvörðunarrétt sveitarfélaga þar sem hún er bindandi við gerð skipulagsáætlana þeirra en þau hafa hins vegar ekki aðkomu að vinnslu Rammaáætlunar. Því má segja að við málsmeðferðina sé nú þegar skerðing á skipulagsvaldi og ekki verður unað við frekari skerðingar.
2) Byggðarráð leggur á það höfuð áherslu að samráð við sveitarfélög og nærsamfélagið hefjist mun fyrr í ferlinu við mat virkjanahugmynda en nú er. Það verður að teljast óeðlilegt að aðilar geti sett af stað vinnu í Rammaáætlun án nokkurs samtals við sveitarstjórnir sem fara með skipulagsvaldið. Um þetta eru fjölmörg dæmi, m.a. í Húnaþingi vestra varðandi virkjun vindorku.
3) Byggðarráð sér einnig ástæðu til þess að ítreka við þetta tækifæri mikilvægi þess að sveitarfélög njóti góðs af orkuframleiðslu í þeirra nærumhverfi og fái skýrar heimildir til að innheimta gjöld af orkumannvirkjum.
-
Byggðarráð - 1242
-
Byggðarráð - 1242
-
Byggðarráð - 1242
-
Byggðarráð - 1242
-
Byggðarráð - 1242
