Byggðarráð

„Efnahagur

Eignasjóður
Eignasjóður, gangstéttar kr. 1.700.000

Hitaveita
Hitaveita, veitukerfi kr. -1.700.000


Mismunur kr. 0

Lagt er til að gerður verði viðauki vegna nýbyggingar gangstéttar á milli Kirkjuvegar og Lindarvegar. Með viðauka sem samþykktur var af byggðarráði á 1287. fundi var gert ráð fyrir að samþykkja tilboð í framkvæmdina upp á 10,5 milljónir. Nú hefur verið fallið frá því tilboði.“

Tillagan borin undir atkvæði og samþykkt með 3 atkvæðum.

„Rekstur
09 Skipulags- og samgöngumál
Viðhald gangstétta (0911) kr. 4.100.000

61 Fráveita
Fráveitukerfi (6111) kr. -4.100.000

Mismunur kr. 0

Lagt er til að gerður verði viðauki við fjárhagsáætlun 2026 vegna framkvæmda við gangstéttir Höfðabraut - Veigastíg. Með viðauka sem samþykktur var af byggðarráði á 1287. fundi var gert ráð fyrir að samþykkja tilboð í framkvæmdina upp á 26,5 milljónir. Nú hefur verið fallið frá því tilboði.

Um er að ræða tilfærslu fjárheimilda og hefur viðaukinn því ekki áhrif á heildarniðurstöðu fjárhagsáætlunar.“

Tillagan borin undir atkvæði og samþykkt með 3 atkvæðum. Málaflokkayfirlit var lagt fram samhliða framlagningu viðaukans.

Byggðarráð fellir úr gildi fyrri samþykkt sína um að ganga til samninga við FK verk ehf.

Með vísan til meginreglna um jafnræði, gagnsæi og banns við breytingum á grundvallarþáttum tilboða eftir opnun þeirra, sbr. lög nr. 120/2016 um opinber innkaup, er óheimilt að taka við nýju eða hækkuðu tilboði frá bjóðanda eftir að tilboðsfrestur er liðinn og niðurstöður opnunar liggja fyrir. Nýju tilboði FK verks ehf. er því vísað frá.
Þar sem upphaflegt tilboð lægstbjóðanda er fallið niður og í ljósi brýnna hagsmuna sveitarfélagsins af því að ljúka steypuframkvæmdum fyrir veturinn samþykkir byggðarráð að ganga til samninga við næstbjóðanda, Vogaklett ehf., á grundvelli framlagðs tilboðs að fjárhæð kr. 30.614.675 með vsk. (108% af kostnaðaráætlun).
Sveitarstjóra er falið að ganga frá samningi í samræmi við verklagsreglur sveitarfélagsins, með lokafresti 15. október nk. og tafabótum kr. 50.000 á dag.
________________________________________

Byggðarráð fellir úr gildi fyrri samþykkt sína um að ganga til samninga við FK verk ehf.
Með vísan til meginreglna um jafnræði, gagnsæi og banns við breytingum á grundvallarþáttum tilboða eftir opnun þeirra, sbr. lög nr. 120/2016 um opinber innkaup, er óheimilt að taka við nýju eða hækkuðu tilboði frá bjóðanda eftir að tilboðsfrestur er liðinn og niðurstöður opnunar liggja fyrir. Nýju tilboði FK verks ehf. er því vísað frá.
Þar sem upphaflegt tilboð lægstbjóðanda er fallið niður og í ljósi brýnna hagsmuna sveitarfélagsins af því að ljúka steypuframkvæmdum fyrir veturinn samþykkir byggðarráð að ganga til samninga við næstbjóðanda, Vogaklett ehf., á grundvelli framlagðs tilboðs að fjárhæð kr. 12.105.175 með vsk. (103% af kostnaðaráætlun).
Sveitarstjóra er falið að ganga frá samningi í samræmi við verklagsreglur sveitarfélagsins, með lokafresti 15. október nk. og tafabótum kr. 50.000 á dag.

Byggðarráð felur sveitarstjóra að koma erindinu á framfæri við viðeigandi starfsmenn sveitarfélagsins.