Drög að Jafnréttisáætlun Húnaþings vestra 2023-2026

Samkvæmt 13. gr. laga nr. 151/2020 um stjórnsýslu jafnréttismála skulu sveitarstjórnir að afloknum sveitarstjórnarkosningum sjá til þess að sveitarfélagið setji sér áætlun um jafnréttismál fyrir nýtt kjörtímabil. Áætlunin skal lögð fram til samþykktar í viðkomandi sveitarstjórn, hún rædd árlega í sveitarstjórn og endurskoðuð eftir þörfum. Byggðarráð samþykkir að drögin með áorðnum breytingum verði sett í opið samráð á heimasíðu sveitarfélagsins.

Í stöðumatinu kemur fram staða á framkvæmd aðgerða sem tilgreindar eru í Jafnréttisáætlun Húnaþings vestra en meta á stöðu aðgerða árlega og leggja í framhaldinu fram endurskoðaða áætlun. Flestar aðgerðirnar eru viðvarandi verkefni. Þremur aðgerðum er að fullu lokið, tvær eru ekki hafnar en aðrar aðgerðir eru í vinnslu. Starfsmenn sveitarfélagsins hafa fengið könnun þar sem spurt er út í innihald áætlunarinnar til að fá fram sem flest sjónarmið við endurskoðunar áætlunarinnar.

Byggðarráð samþykkir að í nýrri endurskoðaðri útgáfu Jafnréttisáætlunar verði þær aðgerðir sem lokið er felldar út úr aðgerðalista. Byggðarráð samþykkir jafnframt tillögu að breytingum á þremur aðgerðum og breyttum tímamörkum á sex aðgerðum. Að fengnum athugasemdum frá starfsmönnum er sveitarstjóra falið að leggja endurskoðaða áætlun fyrir byggðarráð.

Áður á dagskrá 1234. fundar. Niðurstöður könnunar meðal starfsmanna voru almennt jákvæðar og gáfu ekki tilefni til efnislegra breytinga. Byggðarráð þakkar starfsmönnum sveitarfélagsins fyrir að láta sig málið varða með þátttöku í könnuninni. Byggðarráð samþykkir framlagða uppfærða jafnréttisáætlun Húnaþings vestra ásamt stöðumati og vísar til afgreiðslu sveitarstjórnar.

Lögð fram eftirfarandi tillaga:

„Sveitarstjórn samþykkir endurskoðaða jafnréttisáætlun Húnaþings vestra fyrir árin 2023-2026.“

Tillagan borin undir atkvæði og samþykkt með 7 atkvæðum.

Byggðarráð þakkar þeim starfsmönnum sem tóku þátt í könnuninni fyrir að láta sig málið varða. Helstu ábendingar lutu að mælikvörðum aðgerða. Byggðarráð sér ekki ástæðu til að gera breytingar á mælikvörðunum að svo komnu en beinir því til komandi sveitarstjórnar að taka tillit til ábendinga við gerð nýrrar áætlunar að loknum gildistíma núverandi áætlunar. Byggðarráð samþykkir framlagða uppfærða jafnréttisáætlun ásamt stöðumati og vísar til afgreiðslu sveitarstjórnar.

Lögð fram eftirfarandi tillaga:
„Sveitarstjórn samþykkir endurskoðaða jafnréttisáætlun Húnaþings vestra fyrir árin 2023-2026.“
Tillagan borin undir atkvæði og samþykkt með 7 atkvæðum.