Byggðarráð

Byggðarráð samþykkir veitingu afsláttar vegna viðburða í samfélagsþágu.

Lögð fram niðurstaða útboðs á hreinsun rotþróa sem unnið var af Consensa fyrir Húnaþing vestra, Húnabyggð og Skagafjörð. Byggðarráð samþykkir mat umsjónarmanns útboðs og felur sveitarstjóra að fylgja málinu eftir.

Í minnisblaðinu kemur fram að með nýjum lögum sem tóku gildi 1. janúar 2025 er Vinnueftirlitinu heimilt að leggja stjórnvaldssektir á atvinnurekanda þegar ítrekað er brotið gegn vinnuverndarlögum. Á það til dæmis við þegar börn yngri en 13 ára eru ráðin til vinnu eða ungmenni ráðin til að vinna við hættulegar aðstæður. Leitað var upplýsinga frá Vinnueftirlitinu vegna málsins og í þeirra svari kom skýrt fram að börn 13 ára og yngri má ekki ráða til vinnu, nema til að taka þátt í menningar- eða listviðburðum, íþróttastarfsemi eða auglýsingastarfsemi en þá þarf ávallt að sækja um leyfi frá Vinnueftirlitinu. Í minnisblaðinu er óskað eftir afstöðu byggðarráðs til þess hvort láta eigi afmælisdag nemenda sem verða 13 ára á árinu gilda við ráðningu í vinnuskóla eða hvort vinnuskóli verði eingöngu fyrir nemendur 14 - 16 ára.
Byggðarráð samþykkir að við ráðningu barna til vinnuskólans verði miðað við nemendur sem verða 14 - 16 ára á árinu.

Í bréfinu kemur m.a. fram hvatning til sveitarfélaga og ungmennaráða þeirra til þess að standa fyrir krakkakosningum í tengslum við komandi sveitarstjórnarkosningar. Byggðarráð vísar erindinu til ungmennaráðs.

Fundurinn fór fram 19. apríl 2026. Unnur Valborg Hilmarsdóttir, sveitarstjóri, var fulltrúi sveitarfélagsins á fundinum.

Byggðarráð samþykkir endurnýjun leigusamningsins til sömu nota og verið hefur til 5 ára í samræmi við framlengingarákvæði samningsins.

Byggðarráð tekur undir athugasemdir bréfritara varðandi umferðaröryggi við Norðurbraut. Umferðarmál eru á höndum skipulags- og umhverfisráðs. Ráðið vísar erindinu til skipulags- og umhverfisráðs og starfandi starfshóps um gerð umferðaröryggisáætlunar.