Byggðarráð

Í minnisblaðinu kemur fram að húsnæðisáætlanir sveitarfélagsins hafi leitt í ljós útlit fyrir aukningu í nemendafjölda Leikskólans Ásgarðs á komandi árum. Útlit er fyrir að sú þróun sé hraðari en áætlanir hafa gefið til kynna en í vetur eru 69 nemendur við leikskólann. Miðað hefur verið við að hámarksfjöldi nemenda sé 70. Einnig kemur fram í minnisblaðinu þörf á endurnýjun leiktækja og breytinga á útisvæði.

Í ljósi þess að teikn eru á lofti um atvinnuuppbyggingu í sveitarfélaginu og af þeim ástæðum sem taldar eru upp hér að framan samþykkir byggðarráð að starfshópur verði stofnaður um framtíðarþróun húsnæðis og útisvæðis leikskólans. Í hópnum sitji formaður fræðsluráðs sem jafnframt er formaður, fulltrúi minnihluta í sveitarstjórn og fulltrúi foreldrafélags Leikskólans Ásgarðs. Með hópnum starfi sviðsstjóri fjölskyldusviðs, leikskólastjóri og verkefnisstjóri umhverfismála.

Einnig lögð fram drög að erindisbréfi hópsins. Byggðarráð samþykkir framlagt erindisbréf og felur sveitarstjóra að kalla eftir tilnefningum í hópinn.

Í minnisblaðinu er farið yfir tillögur sem lúta að mögulegum breytingum á gjaldskrá til að mæta styttingu vinnuviku starfsmanna leikskólans án þess að komi til hækkana á gjaldskrá á hópa sem ekki geta stytt vistunartíma. Byggðarráð samþykkir að kalla saman að nýju starfshóp um opnunartíma leikskóla og grunnskóla sem skilaði tillögum sínum í apríl til að yfirfara framkomnar hugmyndir.

Hljóðar tilboðið upp á kr. 83.326.464 sem er miðgildi síðastu tilboða Húnaþings vestra og eiganda eignarinnar.

Lögð fram eftirfarandi tillaga:

„Byggðarráð samþykkir framlagt tilboð, með þeim skilyrðum að uppgjör fari fram í einu lagi og að eigandi rými húsnæðið og allt annað lausafé og mannvirki á lóðinni innan þriggja mánaða frá staðfestingu sveitarstjórnar. Sveitarfélagið tekur að sér að fjarlægja húsið, niðurgrafnar þrær og efnishaug við síló á lóðinni. Byggðarráð felur sveitarstjóra að ganga frá samningi í samræmi við framangreint í samvinnu við lögmenn sveitarfélagsins.“

Tillagan borin undir atkvæði og samþykkt með 2 atkvæðum. Magnús Vignir Eðvaldsson sat hjá við afgreiðslu málsins.

Ekki þykir ástæða til umsagnar um málið.

Byggðarráð ítrekar þakkir til umsjónarmanna hátíðarinnar fyrir gott utanumhald og vel heppnaða hátíð.

Lögð fram eftirfarandi tillaga að Viðauka 6 við fjárhagsáætlun 2025:

„Eignasjóður, götur kr. 83.326.464.
Hækkun eignfærðrar fjárfestingar er mætt með lækkun handbærs fjár. Viðaukinn er gerður vegna samkomulags milli eiganda eignarinnar Norðurbrautar 32 og sveitarfélagsins í samræmi við deiliskipulag svæðisins. Viðaukinn hefur ekki áhrif á áætlaða rekstrarniðurstöðu og því er ekki lagt fram málaflokkayfirlit samhliða framlagningu hans.“

Tillagan borin undir atkvæði og samþykkt með 2 atkvæðum. Magnús Vignir Eðvaldsson sat hjá við afgreiðslu málsins.