Sundlaugin opnar að nýju á morgun 18. maí

Á morgun mánudaginn 18. maí kl. 7:00 opnar sundlaugin og pottar aftur eftir átta vikna lokun.  Vetraropnun er enn í gildi.

Við fylgjum leiðbeiningum sóttvarnalæknis og biðjum gesti að kynna sér þær vel. Leiðbeiningarnar eru aðgengilegar gestum sundlaugarinnar við komu.

Nokkur atriði sem hafa þarf í huga:

Virða tveggja metra bilið milli fólks.

Til að hægt sé að virða tveggja metra bilið geta 10 manns verið í hvorum klefa í einu.

Á álagstímum getur starfsfólk sett á tímatakmarkanir í sundlaug og potta.

Staldra stutt við í sturtu og búningsklefum.

Takmarkað pláss er í pottum, svo gott að færa sig á milli potta og sundlaugar. Hámarksfjöldi verður settur í pottana.

Verum tillitssöm og sveigjanleg og sýnum náunganum og starfsfólki ávallt virðingu og kurteisi.

Hægt er að fylgjast með aðsókn á facebook-síðu sundlaugarinn og verður síðan uppfærð reglulega yfir daginn. Einnig er fólki velkomið að hringja á undan sér til að fá upplýsingar um gestafjölda.

Athugið að öll árskort og þriggja mánaðakort verða verða framlengd um þann tíma sem lokað hefur verið.

Verið velkomin í sund.

Starfsfólk Íþróttamiðstöðvar Húnaþings vestra