Starf sviðsstjóra veitu-, framkvæmda- og umhverfissviðs laust til umsóknar

Starf sviðsstjóra veitu-, framkvæmda- og umhverfissviðs laust til umsóknar

Húnaþing vestra óskar eftir að ráða lausnamiðaðan og metnaðarfullan einstakling í starf sviðsstjóra veitu-, framkvæmda- og umhverfissviðs Húnaþings vestra.  Sviðsstjóri veitu-, framkvæmda- og umhverfissviðs fer fyrir framkvæmda-, umhverfis- og auðlindamálum en undir þau falla meðal annars vatnsveita, fráveita og hitaveita.  Sviðið fer einnig með málefni brunavarna, rekstur eignasjóðs og þjónustumiðstöðvar, garðyrkju- og umhverfismála, hafnarsjóðs og annarra eigna er tilheyra sveitarfélaginu. Á sviðinu starfa 7 manns og er starfsemin staðsett á Hvammstanga. 

Æskilegt er að viðkomandi geti hafið störf sem fyrst.

Helstu verkefni:

  • Yfirumsjón með veitu-, framkvæmda- og umhverfismálum sveitarfélagsins
  • Vinna við almennan rekstur veitna, viðhaldsverkefni og nýframkvæmdir veitumannvirkja
  • Ábyrgð og gerð á fjármálum, fjárhags- og starfsáætlunum sviðsins
  • Dagleg samskipti við viðskiptavini og starfsmenn sveitarfélags
  • Stefnumótun í samstarfi við yfirstjórn sveitarfélagsins

Menntunar- og hæfniskröfur:

  • Menntun sem nýtist í starfi, verk- eða tæknifræðimenntun er kostur
  • Reynsla við gerð verk-, kostnaðar- og fjárhagsáætlana
  • Starfsreynsla við verklegar framkvæmdir
  • Þekking, áhugi og reynsla af umsjón veitna er kostur
  • Reynsla í mannlegum samskiptum þar sem áhersla er lögð á góða þjónustu
  • Góð tölvukunnátta

Umsóknarfrestur er til  og með 22. janúar 2018.

Umsóknum er hægt að skila á skrifstofu sveitarfélagsins, Ráðhúsinu, Hvammstangabraut 5, 530 Hvammstanga, og á netfangið skrifstofa@hunathing.is.

Umsóknum skal fylgja ítarleg starfsferilsskrá.  Nánari upplýsingar veitir Guðný Hrund Karlsdóttir sveitarstjóri, sími 455-2400, netfang gudny@hunathing.is.

Samkvæmt jafnréttisstefnu Húnaþings vestra eru karlar jafnt sem konur hvött til að sækja um starfið.

Var efnið á síðunni hjálplegt?