Móttaka framboða hjá Húnaþingi vestra

Framboðsfrestur vegna sveitarstjórnarkosninga sem fram fara laugardaginn 16. maí 2026 rennur út föstudaginn 10. apríl nk. klukkan 12:00. Kjörstjórn mun taka á móti framboðum kl. 11 - 12 á skrifstofu sveitarfélagsins þann 10. apríl. Yfirkjörstjórn tekur einnig á móti gögnum rafrænt á netfangið siggi@hunathing,is.

Hverjum framboðslista skal fylgja:

• Tilkynning um framboð, þar sem fram koma upplýsingar um heiti stjórnmálasamtakanna og listabókstaf þeirra, samkvæmt skrá dómsmálaráðuneytisins.
• Ef stjórnmálasamtök hafa ekki listabókstaf skal óska eftir honum við yfirkjörstjórn sveitarfélagsins.
• Upplýsingar um hverjir tveir menn séu umboðsmenn listans, ásamt samþykki þeirra.
• Framboðslisti ásamt undirrituðu samþykki frambjóðenda fyrir því að fara í framboð.
• Meðmæli með framboðinu – að lágmarki 20 og hámarki 40. Hægt er að safna meðmælum rafrænt á Ísland.is Stofna meðmælasöfnun vegna framboðs til sveitarstjórnar | Ísland.is
• Heimilt er að safna meðmælum á pappír. Mælst er til þess að framboð slái meðmælin inn í rafræna meðmælakerfið. Skila þarf inn frumriti til yfirkjörstjórnar sveitarfélagsins