Heimsókn frá Rannsóknarsetri HÍ á Norðurlandi vestra

Sæunn Stefánsdóttir, forstöðukona Stofnunar rannsóknasetra Háskóla Íslands og Vilhelm Vilhelmsson, forstöðumaður setursins á Norðurlandi vestra komu í heimsókn í Ráðhúsið í dag og funduðu með sveitarstjóra. Tilefni heimsóknarinnar var að kynna starfsemi setursins og skoða möguleika á samstarfi þess og sveitarfélagsins. Færðu þau jafnframt þær ánægjulegu fréttir að frá og með 1. september hefur setrið tekið á leigu skrifstofuaðstöðu á Hvammstanga. Styrkir það starfsemi þess enn frekar og gefur tækifæri til eflingar starfseminnar.

Við þökkum Sæunni og Vilhelm fyrir komuna.