Atvinna við félagslega liðveislu í boði!

Fjölskyldusvið leitar einnig eftir starfsfólki í félagslega liðveislu fyrir fólk með fötlun. Félagsleg liðveisla er hugsuð til að rjúfa félagslega einangrun fólks á öllum aldri, bæði barna, unglinga og fullorðinna einstaklinga, t.d. aðstoð til að njóta menningar og íþrótta/félagslífs.

Hér er um tímavinnu að ræða, kannski 2-6 tíma á einstakling á viku yfir veturinn eða tímabundið starf á sumri.

Þetta er skemmtilegt og lærdómsríkt starf sem krefst hæfni í mannlegum samskiptum, frumkvæðis og sjálfstæðis í vinnubrögðum.

Laun eru greidd skv. kjarasamningi Launanefndar sveitarfélaga og Starfsgreinasambands Íslands.

Áhugasamir eru beðnir um að hafa samband við Henrike Wappler, yfirfélagsráðgjafa, í síma 455-2400 

Umsóknarfrestur er til 3. apríl 2017