Ósk um umsögn vegna beiðni um undanþágu frá skipulagsreglugerð - Sæberg, Húnaþingi vestra

Málsnúmer 2502050

Vakta málsnúmer

Skipulags- og umhverfisráð - 373. fundur - 04.03.2025

Iðnaðar- og viðskiptaráðuneytisins, dags. 17. febrúar 2025, þar sem óskað er eftir umsögn sveitarstjórnar um undanþágu frá skipulagsreglugerð nr. 90/2013, sbr. 13. mgr. 45. gr. skipulagslaga nr. 123/2010 vegna framkvæmda við Sæberg í Hrútafirði.
Tekið er til umfjöllunar erindi frá Iðnaðar- og viðskiptaráðuneytisins, dags. 13. febrúar 2025, þar sem óskað er eftir umsögn sveitarstjórnar um undanþágu frá skipulagsreglugerð nr. 90/2013, sbr. 13. mgr. 45. gr. skipulagslaga nr. 123/2010.


Skipulags- og umhverfisráð gerir ekki athugasemd við veitingu undanþágunnar að því gefnu að tryggðar verði viðeigandi varnir gegn ágangi sjávar, s.s. með gerð brimvarnargarðs, til verndar mannvirki og þeim mannvirkjum sem þegar eru til staðar.


Ráðið leggur til við Sveitarstjórn að samþykkja bókun ráðsins og afgreiða til ráðuneytisins umsögn í samræmi við ofangreint.

Skipulags- og umhverfisráð - 383. fundur - 03.02.2026

Tekið var fyrir mál FRN25030178, sem varðar beiðni um undanþágu frá skilyrði gr. 5.3.2.14 í skipulagsreglugerð nr. 90/2013 um fjarlægð bygginga frá sjó á jörðinni Sæbergi við Hrútafjörð. Lagt var fram bréf félags- og húsnæðismálaráðuneytisins, dags. 3. júlí sl., þar sem synjað var fyrri beiðni um undanþágu.



Í framhaldi hefur umsækjandi, að beiðni skipulagsyfirvalda sveitarfélagsins, óskað eftir að málið verði tekið upp að nýju og að undanþága verði veitt fyrir eitt af umræddum húsum, nánar tiltekið syðra íbúðarhúsið, sem er lengra komið í framkvæmdum. Í erindinu kemur fram að uppsteypu hússins er lokið og þak komið á, og því sé ekki um að ræða tillögu að nýjum byggingaframkvæmdum. Jafnframt er áréttað að það sé afstaða skipulagsyfirvalda að vel fari á byggingu hússins á þeim stað sem því hefur verið valinn, og þess vegna sé undanþágu óskað í annað sinn.
Skipulags- og umhverfisráð gerir ekki athugasemdir við veitingu undanþágu frá skilyrði gr. 5.3.2.14 í skipulagsreglugerð nr. 90/2013 um fjarlægð bygginga frá sjó, í máli FRN25030178, enda er bakki við sjó á umræddum stað það hár, miðað við stórstraumsflæði að ekki er talið að stórstraumsflóð eða sjávargangur nái að hinu umrædda mannvirki. Ráðið leggur til við Sveitarstjórn að samþykkja bókun ráðsins og afgreiða til ráðuneytisins umsögn í samræmi við ofangreint.

Ráðið telur brýnt að árétta að samkvæmt gögnum málsins er um að ræða óleyfisframkvæmd, þar sem engin leyfi hafa verið gefin út af hálfu sveitarfélagsins fyrir umræddu mannvirki. Jafnframt hefur byggingarfulltrúi ítrekað stöðvað framkvæmdir, en að framkvæmdum hafi engu að síður verið haldið áfram þrátt fyrir fyrirmæli um stöðvun. Ráðið telur þetta ámælisvert og áréttar að leyfisveitingar og að farið sé að fyrirmælum séu grundvallarforsenda mannvirkjagerðar í sveitarfélaginu. Ráðið beinir því til landeiganda að hlíta fyrirmælum byggingarfulltrúa og að málinu verði fylgt eftir með viðeigandi hætti innan stjórnsýslu sveitarfélagsins.
Var efnið á síðunni hjálplegt?