Fræðsluráð

Minnisblað sviðsstjóra fjölskyldusviðs um breytingar á störfum vegna samfélagsmiðstöðvar lagt fram. Starfsemi er hafin að hluta og ferkari starfsemi mun hefjast í september.

Fræðsluráð samþykkir tillögur sviðsstjóra fjölskyldusviðs um verklag við gerð mönnunarlíkans fyrir grunnskóla og leikskóla í samræmi við rekstrarúttekt Ásgarðs skólaþjónustu. Verklagið byggi á eftirfarandi þáttum:
1. Grunnmönnun - ákveðin viðmið um kennslustundafjölda og stöðugildafjölda út frá fjölda barna.
2. Sérkennsla og stuðningsúrræði eru aðskilin frá grunnmönnun og byggð á samræmdu mati á þörfum barna sem tekur mið af: a) heilsu og hegðun, b) daglegum athöfnum, c) skólastarfi og námi, d) öryggi og e) félagslegri virkni.

Með verklaginu skal tryggja ábyrga fjárhagsáætlunargerð, að grunnmönnun sé stöðug og fyrirsjáanleg, að viðbótarmönnun byggi á gagnreyndu, samræmdu mati á stuðningsþörf barna og að ábyrgð og eftirfylgni sé skýr hjá fagteymi, skólastjórnendum og fræðsluráði. Við gerð verklagsins skal hafa samráð við starfsfólk og stjórnendur leik- og grunnskóla og upplýsa fræðsluráð um framvindu vinnunar.

Drög að uppfærðu verklagi um samstarf leikskóla og grunnskóla lagt fram til kynningar og umræðu. Fræðsluráð vísar drögunum til umfjöllunar hjá starfsfólki grunnskóla og leikskóla.

Næsti fundur fræðsluráðs verður miðvikudaginn 8. október kl. 15:15.