Deiliskipulag Melstað-2025

Skipulags- og umhverfisráð leggur til við sveitarstjórn að heimila vinnslu á deiliskipulagstillögu á nýrri staðsetningu við afleggjarann á Norðurlandsvegi nr: 1 og Miðfjarðarvegar nr: 704.
Við endanlega deiliskipulagstillögu skal liggja fyrir skriflegt samþykki landeiganda og kynna aðliggjandi jarðareigendum.

Lögð fram eftirfarandi tillaga:
„Sveitarstjórn Húnaþings vestra samþykkir að auglýst verði lýsing á skipulagstillögunni í samræmi við 40. gr. skipulagslaga nr. 123/2010.
Lýsingunni er ætlað að kynna forsendur, meginmarkmið og helstu viðfangsefni skipulagsvinnunnar áður en hafist verður handa við gerð deiliskipulagstillögu.
Skipulagsfulltrúa er falið að vinna málið áfram.“
Tillagan borin undir atkvæði og samþykkt með 7 atkvæðum.

Skipulags- og umhverfisráð leggur til við sveitarstjórn að framangreind sjónarmið á innsendum ábendingum frá umsagnaraðilum og einnig frá Sigríði Klöru og Önnu Rósu Böðvarsdætrum verði skoðuð áður en drög að deiliskipulagi eru lögð fram til auglýsingar.

þ.e.
- Samræmingu aðalskipulagsbreytingar VÞ‑9 við deiliskipulag og mat á því hvort leggja skuli fram breytingu á gildandi deiliskipulagi 2013 (mörk/stækkun) í samræmi við ábendingu
Skipulagsstofnunar;
- Votlendis- og náttúrufarsúttekt (afmörkun vistgerða, fuglalíf) og flóðahættugreiningu;
- Grunnvatns- og mengunarvarnagreiningu með hönnun mótvægisaðgerða í samræmi við reglugerðir 796/1999 og 797/1999;
- Innleiðingu skilmála um brunaöryggi, slökkvivatn og viðbragðsáætlun í samráði við Brunavarnir;
- Staðfestingu landamerkja og kynningar til aðliggjandi jarðareigenda;