Hulduhvammur í Leiti, fyrirspurn um lagningu á reiðveg

Málsnúmer 2512079

Vakta málsnúmer

Skipulagsráð - 382. fundur - 07.01.2026

Lögð er fram fyrirspurn vegna legu reiðvegar um land Hulduhvamms í Leiti. Tilefni málsins er misræmi milli samþykktar Skipulags- og umhverfisráðs frá 2006 um lagningu reiðvegar meðfram Vatnsnesvegi, gildandi aðalskipulags Húnaþings vestra 2014-2026.
Skipulags- og umhverfisráð leggur til að skipulagsfulltrúi afli viðeigandi gagna og leggi þau fram á næsta fundi ráðsins vegna fyrirspurnar dags. 18. desember 2025.

Skipulagsráð - 383. fundur - 03.02.2026

Fyrirspurn Ingibjargar H Jakobsdóttur, eins eiganda Hulduhvamms í Leiti L233893, varðandi reiðveg á lóðinni, dags. 18.des 2025
Lagt var fram minnisblað sem Skúli Húnn tók saman að beiðni skipulagsfulltrúa, sem skýrir afgreiðslu þessa máls á sínum tíma. Umhverfis- og skipulagsráð felur skipulagsfulltrúa að senda minnisblað til málsaðila.

Skipulagsráð - 390. fundur - 28.10.2026

Lagt fram erindi Arndísar Önnu K. Gunnarsdóttur lögmanns, dags. 12. október 2026, fyrir hönd landeigenda Hulduhvamms í Leiti (L233893), vegna legu reiðvegar um eignarland þeirra. Í erindinu er því haldið fram að reiðvegurinn hafi verið lagður án samþykkis landeigenda og fullnægjandi heimilda. Krafist er viðurkenningar á ólögmæti núverandi legu, að vegurinn verði fjarlægður af lóðunum og að kvaðir eða fyrirvarar vegna hans verði felld niður og skipulagsgögn leiðrétt. Landeigendur lýsa vilja til samstarfs um legu reiðvegar meðfram Vatnsnesvegi. Óskað er skriflegs svars og tillagna að úrbótum fyrir 13. nóvember 2026.
Skipulagsráð leggur til að skipulagsfulltrúa og sveitarstjóra verði falið í samráði við lögmann sveitarfélagsins að yfirfara gögn og réttindagrundvöll reiðvegar um Hulduhvamm í Leiti.
Málið verði lagt að nýju fyrir ráðið með tillögu að afgreiðslu að lokinni þeirri vinnu.
Var efnið á síðunni hjálplegt?