Landbúnaðarráð

Eftirfarandi umsóknir bárust:
Sigfús Heiðar Árdal Jóhannsson, vegna veiða í Víðidal.
Bjarni Kristmundsson, vegna veiða í austanverðum Hrútafirði.
Elmar Baldursson, vegna veiða á Vatnsnesi.
Þorbergur Guðmundsson, vegna veiða á Miðfjarðasvæði.
Hannes Hilmarsson, vegna veiða í vestanverðum Hrútafirði.
Björn Viðar Unnsteinsson, vegna veiða í Vesturhópi.
Landbúnaðarráð felur sveitarstjóra að gera samninga við ofangreinda vegna vetrarveiða á ref veturinn 2025-2026.

Heildarkostnaður vegna styrkvega var kr. 5.677.641,- þar af er framlag frá Vegagerðinni kr. 2.500.000,-. Heildarkostnaður vegna heiðagirðinga var kr. 3.550.893,-.

Heildarkostnaður vegna refa- og minkaveiði á þessu tímabili er alls kr. 8.461.240. Unnin grendýr voru 91, yrðlingar 196 og hlaupadýr 103. Veiddir minkar voru 35.

Samkvæmt reglugerð um hollustuhætti nr. 903/2024 skal fyrirbyggja sýkingar hjá mönnum af völdum bandorma og spóluorma í hundum. Í ljósi þess er þeim tilmælum beint til eigenda hunda í dreifbýli að ormahreinsa hunda sína.
Sveitarstjóra er falið að vekja athygli á framangreindu á miðlum sveitarfélagsins og með auglýsingu í Sjónauka.

Landbúnaðarráð samþykkir framlagða áætlun.