Hvammstangabíó - sýningavélar

Óskað eftir áhugasömum aðila á varðveislu sýningavéla og búnaðar úr gamla Hvammstangabíói

Húnaþing vestra óskar eftir  áhugasömum aðila til að nýta og/eða varðveita sýningavélar gamla Hvammstangabíós og þann búnað sem þeim fylgir.

Aðilar eru hvattir til að senda inn tilboð eða greinargerð þar sem eftirfarandi kemur fram:

• Hvernig fyrirhugað er að nýta eða varðveita búnaðinn,
• hvaða aðstöðu aðili hefur til varðveislu.

Við mat frá þeim sem sýna áhuga verður fyrst og fremst horft til þess hversu líklegt er að búnaðurinn verði varðveittur vel og að veittur verði frekari aðgangur að honum, til dæmis í sýningar-, menningar- eða fræðsluskyni.

Hægt er að lýsa áhuga hér í síðasta lagi 15. febrúar 2026.

Framkvæmdaráð Húnaþings vestra mun meta innsendar tillögur. Telji ráðið að tveir eða fleiri aðilar standi jafnt að vígi við matið, verður dregið á milli þeirra.

Frekari upplýsingar veitir Sigurður Þór Ágústsson í síma 8625466 eða siggi@hunathing.is.

Ef enginn áhuasamur finnst er líklegt að búnaðinum verði fargað.