Dagskrá:
Fjallskil jarðarinnar Efri-Fitja. Farið var yfir innsendar umsagnir fjallskiladeilda Víðidals og Miðfirðinga sem og samskipti fulltrúa landbúnaðarnefndar við ábúendur. Ekki hefur náðst sátt um niðurstöðu. Formanni og sveitarstjóra falið að vinna málið áfram.
Tilkynning frá Vegagerðinni vegna ristarhliða. Haft var samband við Matvælastofnun, Vegagerðina og Atvinnuvega- og nýsköpunarráðuneytið vegna málsins. Unnið er að úrlausn.
Göngur og réttarstörf. Á fundi sveitarstjóra og formönnum fjallskilanefnda var farið yfir framkvæmd á gangna og réttarstörfum og hafa aðilar aðlagað framkvæmd og vinnu að þeim reglum sem eru í gildi til 10. september og til grundvallar því lágu fyrir leiðbeiningar vegna ganga og rétta vegna COVID-19 frá Landsamtökum sauðfjárbænda
Önnur mál.
Kynntar voru innkomnar athugasemdir við fjallskilareglugerð. Landbúnaðarnefnd leggur til að kallað verði eftir athugasemdum við reglugerðina á heimasíðu sveitarfélagsins.
Fundargerð upplesin, fundi slitið kl. 14:02
