Dagskrá:
- Kynning á Jákvæðum aga.
- Kynning frá Reykjaskóla varðandi komandi skólaár.
- Önnur mál.
Afgreiðslur:
- Skólastjórnendur grunn- leik- og tónlistarskóla kynntu uppeldisstefnuna Jákvæðan aga og fóru yfir starfsdag sem haldinn var mánudaginn 23. ágúst sl. í Félagsheimilinu Hvammstanga. Starfsdagurinn var upphaf að innleiðingu stefnunnar og tóku starfsmenn stofnana sem starfa mest með börnum þátt í deginum eða 65 manns. Undir þessum lið sátu fundinn fulltrúar starfsmanna og foreldra leikskólans.
2. Framkvæmdastjóri Skólabúðanna í Reykjaskóla Karl B. Örvarsson, mætti á fundinn og fór yfir komandi haust. Búist er við góðri aðsókn að skólabúðunum skólaárið 2021 – 2022. Ekki er búið að ráða í allar stöður fyrir komandi skólaár og rennur umsóknafrestur út þann 31. ágúst nk.
3. Önnur mál.
Á 1093. fundi byggðarráðs Húnaþings vestra var eftirfarandi bókað undir 2. dagskrárlið:
Bréf frá Sambandi íslenskra sveitarfélaga. Lögð fram aðgerðaáætlun 2021-2025 um forvarnir meðal barna og ungmenna gegn kynferðislegu og kynbundnu ofbeldi og áreitni, sbr. þingsályktun nr. 37/150. Í aðgerðaráætluninni er sérstök áhersla á að forvanir verði samþættar kennslu og skólastarfi á öllum skólastigum, einnig í starfi frístundaheimila og félagsmiðstöðva. Byggðarráð vísar aðgerðaáætluninni til umsagnar félagsmálaráðs og fræðsluráðs.
Í aðgerðaáætluninni kemur fram hlutverk skólaskrifstofa, skóla og annarra stofnana sveitarfélaga. Fræðsluráð felur sviðsstjóra fjölskyldusviðs að hrinda í framkvæmd þeim aðgerðum sem falla undir hlutverk sveitarfélaga í samvinnu við þær stofnanir og teymi sem tilgreind eru í áætluninni.
Fleira ekki tekið fyrir.
Fundargerð upplesin og samþykkt.
Fundi slitið kl. 16.56
