Dagskrá:
1. Skólastjóri leikskólans Ásgarðs fer yfir vinnu við fjárahagsáætlunargerð fyrir árið 2021.
2. Skólastjóri Grunnskóla Húnaþings vestra fer yfir vinnu við fjárhagsáætlunargerð fyrir árið 2021.
3. Önnur mál.
Afgreiðslur:
1. Skólastjóri leikskólans fór yfir fjárhagsáætlun fyrir árið 2021 og önnur mál er varðar skólann.
• Breytingar á innkaupum vegna hagræðingarkröfu sveitarstjórnar – fjallað var um tillögur leikskólastjóra þar sem meðal annars kemur fram að draga skuli úr efnis og þjónustukaupum en störf verði varin.
• Menntamálastofnun vann ytra mat í leikskólanum í maí 2020 og má sjá skýrslu og umbótaáætlun á heimasíðu leikskólans. Farið yfir greinagerð frá Þóru Rósu Geirsdóttur, ráðgjafa, vegna skoðunar á ytra mati leikskólans.
• Farið var yfir styttingu vinnuviku og rædd var tillaga sem send var inn til vinnuhóps í því sambandi sem bíður afgreiðslu.
2. Skólastjóri grunnskólans fór yfir fjárhagsáætlun fyrir árið 2021 og önnur mál er varðar skólann.
• Breytingar á skólahaldi vegna hagræðingarkröfu sveitarstjórnar – fjallað var um tillögur skólastjóra þar sem fram kemur meðal annars að draga skuli úr yfirvinnu og þjónustukaupum en störf verði varin.
• Farið var yfir styttingu vinnuviku og rædd var tillaga sem send var inn til sveitarstjórnar í því sambandi sem bíður afgreiðslu.
• Skólastjóra grunnskólans hefur verið afhendur listi með um 70 undirskriftum barna við grunnskólann þar sem þau skora á skólayfirvöld að breyta nafni skólans úr Grunnskóla Húnaþings vestra í Húnaskóla. Ráðið hrósar börnunum fyrir frumkvæðið og ákveðið var að ræða tillöguna betur á næsta fundi fræðsluráðs.
3. Önnur mál.
• Fræðsluráð vill hrósa og þakka starfsfólki og nemendum skólastofnanna Húnaþings vestra fyrir afar gott starf á þessu krefjandi ári sem senn er að líða og óskar þeim gleðilegra jóla og farsældar á nýju ári.
Fleira ekki tekið fyrir.
Fundargerð upplesin og samþykkt.
Fundi slitið kl. 17.20
