Afgreiðslur:
1. Rekstrarstjóri Unnsteinn Andrésson mætir til fundar við byggðarráð. Farið yfir helstu verkefni s.s. hitaveitu, ljósleiðara, íþróttamiðstöð, göngustíg Laugarbakka, Lindarveg, skólabrú, Kolugljúfur, Nestún, dæluhús og sundlaug.
2. Fundargerðir lagðar fram til kynningar.
a. 1804001 Fundargerð 858. fundar Sambands íslenskra sveitarfélaga frá 23. mars sl.
b. 1804005 Fundargerð 27. fundar stjórnar SSNV frá 6. mars sl.
3. Lóðarumsóknir lagðar fram:
a. 1803061 Umsókn frá Luis Augusto Aquino og Jessica Faustini Aquino um byggingarlóð undir einbýlishús að Bakkatúni 4 á Hvammstanga. Byggðarráð samþykkir ofangreinda umsókn að Bakkatúni 4 á Hvammstanga.
b. 1804002 Umsókn frá Julia Sciba og Ralph Sciba um byggingarlóð undir einbýlishús að Bakkatúni 6 á Hvammstanga. Byggðarráð samþykkir ofangreinda umsókn að Bakkatúni 6 á Hvammstanga.
4. 1803054 Lagt fram bréf frá Óbyggðanefnd þar sem tilkynnt er um meðferð á svæði 10A, það er Strandasýsla og fyrrum Bæjarhreppur. Að auki biður nefndin að sér verði látin í té öll þau gögn sem sveitarfélagið kann að hafa er þýðingu geta haft við úrlausn málsins. Byggðarráð skipar eftirtalda aðila í eignaréttarnefnd sem verður landeigendum til ráðgjafar í málinu: Tómas Gunnar Sæmundsson formaður, Sveinbjörn Jónsson og Heiðar Skúlason.
5. 1802024 Lögð fram tillaga að nýjum leigutaxta á íbúðum sveitarfélagsins þar sem stuðst er við leigutaxta í sambærilegum sveitarfélögum og þá möguleika sem tekjulægri eiga er viðkemur húsaleigubótum og sérstökum húsaleigubótum. Afgreiðslu málsins frestað.
6. 1803037 Lagður fram til kynningar ársreikningur Félagsheimilisins Ásbyrgis vegna ársins 2017.
7. 1804008 Lagt fram bréf frá Sveitabakarí ehf. þar sem óskað er eftir viðræðum um leigu á Félagsheimilinu Víðihlíð undir starfsemi fyrirtækisins með möguleika á kaupum á húsinu til lengri tíma litið. Félagsheimilið er í eigu þriggja aðila, Húnaþing vestra á 45%, Ungmennafélagið Víðir á 45% og Kvenfélagið Freyja á 10%. Byggðarráð vísar erindinu á stjórn félagsheimilisins til að kanna afstöðu eigenda á umræddu erindi.
8. 1804003 Lagt fram bréf frá Þórði Skúlasyni þar sem vísað er í 8. tölulið í fundargerð 958. fundar byggðarráðs um fyrirspurn Kristjáns Björnssonar um varðveislu gamalla húsanafna á Hvammstanga. Með bréfinu vill Þórður koma því á framfæri að hann hafi frá árinu 2010 unnið að upplýsingaöflun um gömul hús á Hvammstanga og sé reiðubúinn til viðræðna um að nýta þá gagnaöflun til að gera aðgengilegt almenningi. Byggðarráð þakkar Þórði fyrir framtakið og felur sveitarstjóra að ræða við hann um framhaldið.
9. 1800406 Lagt fram til kynningar bréf frá flugklasanum Air 66N þar sem gert er grein fyrir því helsta í starfi flugklasans undanfarna mánuði.
10. 1803059 Lagt fram til kynningar bréf frá Varasjóði húsnæðismála þar sem óskað er eftir samþykki sveitarfélagsins á birtingu niðurstaðna vegna greiningar á rekstrargrundvelli félagslegra íbúða í sveitarfélögum. Byggðarráð samþykkir erindið.
11. 1804007 Lagt fram bréf frá Byggðasafni Húnvetninga og Strandamanna vegna skemmda sem urðu á þaki safnsins í febrúar s.l. Óskað er eftir fjármögnun til viðgerðar á þaki hússins. Byggðarráð felur Unnsteini Andréssyni rekstrarstjóra að fara yfir ástand hússins með umsjónarmanni safnsins.
12. 1609003 Lögð fram lokaskýrsla verkefnisins Örbrugghús frá Sigurði Líndal vegna umsóknar í Atvinnu- og nýsköpunarsjóð. Elín R. Líndal vék af fundi við afgreiðslu málsins. Byggðarráð samþykkir lokagreiðslu styrksins.
13. 1803062 Lagt fram fundarboð á aðalfund Veiðifélags Víðidalsár sem haldinn verður í Tjarnarbrekku mánudaginn 9. apríl nk. kl. 20:00. Byggðarráð skipar sveitarstjóra sem fulltrúa Húnaþings vestra á fundinum.
Samþykkt að taka á dagskrá:
14. 1804026 Lagt fram fundarboð á aðalfund Veiðfélags Arnarvatnsheiðar og Tvídægru sem haldinn verður í Laxahvammi fimmtudaginn 19. apríl nk. kl. 20:30. Byggðarráð skipar sveitarstjóra sem fulltrúa Húnaþings vestra á fundinum, og oddvita til vara.
15. 1804025 Lagt fram fundarboð á aðalfund Veiðfélags Miðfirðinga sem haldinn verður í Laxahvammi föstudaginn 20. apríl nk. kl. 20:30. Byggðarráð skipar sveitarstjóra sem fulltrúa Húnaþings vestra á fundinum og oddvita til vara.
Fundargerð upplesin og samþykkt. Fundi slitið kl: 15:32
