Afgreiðslur:
1. 2103020 Umsókn um lóð. Agnar Sigurðsson sækir um byggingarlóð undir iðnaðarhúsnæði að Höfðabraut 36. Byggðarráð samþykkir ofangreinda umsókn að Höfðabraut 36 á Hvammstanga.
2. Atvinnu- og nýsköpunarsjóður, lokaskýrsla. Lögð fram lokaskýrsla vegna styrkveitingar sem Ragnheiður S. Jóhannsdóttir fékk úthlutað úr Atvinnu- og nýsköpunarsjóði Húnaþings vestra fyrir verkefnið „Minjagripir, selir og sauðfé úr þæfðri ull“. Byggðarráð samþykkir skýrsluna og að eftirstöðvar styrksins verði greiddar út.
3. 2103030 Lánasjóður sveitarfélaga, aðalfundaboð. Aðalfundur Lánasjóðs sveitarfélaga ohf. verður haldinn föstudaginn 26. mars nk. Byggðarráð felur sveitarstjóra að sækja fundinn fyrir hönd sveitarfélagsins.
4. Lífeyrissjóðurinn Stapi, fundarboð. Fulltrúaráðsfundur Lífeyrissjóðsins Stapa verður haldinn þriðjudaginn 30. mars nk. Byggðarráð samþykkir að sveitarstjóri verði fulltrúi sveitarfélagsins á fundinum.
5. Stöðuskýrsla uppbyggingarteymis félags- og atvinnumála. Lögð fram til kynningar stöðuskýrsla nr. 11.
6. Grunnskóli Húnaþings vestra, Björn Bjarnason rekstrarstjóri kemur til fundar. Tvö tilboð bárust í innréttingar í Grunnskóla Húnaþings vestra. Eftirfarandi tilboð bárust: Stígandi ehf. kr. 31.845.000 Nýform ehf. kr. 36.023.000 Kostnaðaráætlun er kr. 21.000.000 Byggðarráð samþykkir að ganga til samninga við lægstbjóðanda Stíganda ehf. Björn kynnti tilhögun á útboði á lóðarframkvæmdum við grunnskólann, Birni falið að vinna málið áfram í samræmi við umræður á fundinum. Björn fór yfir stöðu framkvæmda við grunnskólann og drög að uppgjöri við Alefli ehf. vegna uppsteypu. Heildarframkvæmdin er innan fjárhags- og verkáætlunar. Bætt á dagskrá:
7. Ráðning skólastjóra Tónlistarskóli Húnaþings vestra. Thelma Kristín Kvaran ráðgjafi Intellecta kom til fundar með fjarfundabúnaði. Sveitarstjóri og Thelma Kristín fóru yfir niðurstöður fyrstu viðtala sem fram fóru í síðustu viku. Sveitarstjóra og ráðgjafa Intellecta falið að halda áfram með ráðningarferlið.
Fundargerð upplesin og samþykkt. Fundi slitið kl. 15:25
