Fundur haldin hjá fjallskilastjórn fyrrum Bæjarhrepps að Kjörseyri 27. ágúst 2023 kl 20.00
Mættir voru undirritaðir:
Ingimar Sigurðsson, formaður, Sigrún Waage og Hannes Hilmarsson.
Farið var yfir leitarseðil og helstu atriði uppfærð í samræmi við nýjustu upplýsingar.
Tekin var ákvörðun um að hækka fjallskil frá fyrra ári og hækki því á vetrarfóðraða kind úr kr 115 í kr 125. Einnig var samþykkt að greiðslur til jöfnunar fjallskila hækki úr 6.200 í kr 6.500
Samkvæmt fjallskilareglugerð Húnaþings vestra skal réttað í Hvalsárrétt laugardaginn 16. september og Kvíslarland verður leitað föstudaginn 15. september.
Önnur leit verður laugardaginn 30. september.
Réttað verður í Hvalsárrétt sunnudaginn 1 . október kl 13.00
Formanni falið að ganga frá leitarseðli og koma honum til dreifingar.
Hvalsárrétt er í ágætu standi. Búið er að bera ofaní veg heim að rétt.
Búið er að fara yfir safngirðingu, sem er í nokkuð góðu standi.
Fleira var ekki tekið fyrir og fundi slitið kl 21.30
Ingimar Sigurðsson, formaður
Sigrún Waage
Hannes Hilmarsson
