Fjallskilastjórn Miðfirðinga
Fjallskilastjórn Miðfirðinga fjallskilastjórnar haldinn miðvikudaginn 12. desember 2018 kl. 12:15 Staðarbakka.
Fundarmenn
Valgerður Kristjánsdóttir, ritari
Ebba Gunnarsdóttir
Rafn Benediktsson, formaður
12. desember kl. 12:15 2018 kom fjallskilastjórn saman til fundar að Staðarbakka.
Mættir eru: Rafn Benediktsson, Ebba Gunnarsdóttir og Valgerður Kristjánsdóttir.
Dagskrá:
- Unnið að álagningu fjallskila: Fjallskilaskilt er allt sauðfé og hross, veturgamalt og eldra þó ekki hross allt að 5 á lögbýli enda gangi þau í heimahögum. Lambsverð er ákveðið kr. 11.412,- Ákveðið að hækka verð á einingu um 5%. Þá verður álagning á sauðfé 98 kr. og hross 686 kr. og landverð er 1,8%.
- Leiga á hesthúsum hækkar skv. Neysluvísitölu um 2,4%.
- Vinnu við uppsetningu á hólfi við réttina var lokið á tilsettum tíma.
- Merkja þarf réttina og fá spjöld með bæjarnúmerum þar sem það vantar í hana.
- Rætt um framkvæmdir á árinu og fjármagn til þeirra.
Fleira ekki tekið fyrir og fundi slitið kl. 15:20
