Elín Lilja Gunnarsdóttir formaður setti fund.
Afgreiðslur:
Kristinn Arnar Benjamínsson leikskólastjóri, Eydís Bára Jóhannsdóttir skólastjóri, Guðrún Ósk Steinbjörnsdóttir aðstoðarskólastjóri og Pálína Fanney Skúladóttir tónlistarskólastjóri komu til fundar við ráðið kl. 10:00.
- Skoðunarferð um grunn- og tónlistarskóla.
Skólastjórar sýndu fræðsluráði húsakynni skólans.
2. Beiðni um lokun leikskóla kl. 12:00 þann 19. apríl 2023 vegna námsferðar.
Áður á dagskrá 231. fundar þar sem samþykkt var lokun leikskóla frá kl. 15:00 þann 19. apríl nk. Vegna ófyrirséðra breytinga á flugi óska starfsmenn leikskóla eftir að lokað verði frá kl. 12:00 þann sama dag. Fræðsluráð samþykkir beiðnina samhljóða.
3. Drög að skóladagatölum grunn-, leik- og tónlistarskóla.
Skólastjórar grunn-, leik- og tónlistarskóla kynna fyrstu drög að skóladagatölum skólaársins 2023-2024. Fræðsluráð samþykkir drögin með áorðnum breytingum og felur skólastjórnendum að ljúka gerð þeirra.
Pálína Fanney vék af fundi kl. 11:25.
4. Símareglur.
Lögð fram drög að uppfærðum síma- og snjalltækjareglum Grunnskóla Húnaþings vestra. Reglurnar hafa farið til umræðu í skólaráði og nemendaráði. Fræðsluráð samþykkir reglurnar samhljóða.
5. Fundargerðir farsældarteymis.
Lagðar fram til kynningar.
6. Reglur um skólaakstur.
Reglur um skólaakstur sem samþykktar voru á 233. fundi ráðsins voru teknar fyrir á 1164. fundi byggðarráðs sem haldinn var þann 23. janúar sl. Byggðarráð vísaði reglunum til afgreiðslu sveitarstjórnar en lagði til breytingu á forgangi viðbótarhópa í skólaakstri þannig að nemendur í leikskóla hafi forgang fram yfir nemendur í dreifnámi.
Kristinn Arnar, Eydís Bára og Guðrún Ósk véku af fundi kl. 11:55.
Fleira ekki tekið fyrir. Fundargerð upplesin og samþykkt. Fundi slitið kl. 11:58
