Selveiðihlunnindi við Húnaflóa frá 17. öld til 20. aldar

Allir eru velkomnir að mæta á Selasetur Íslands á opinn fyrirlestur hjá Dr. Vilhelmi Vilhelmssyni, sagnfræðingi, forstöðumanni Rannsóknaseturs Háskóla Íslands á Norðurlandi vestra, og meðritstjóra Sögu, þann 16. janúar kl. 20:00-21:00.


Selveiðihlunnindi við Húnaflóa frá 17. öld til 20. aldar

Í erindinu verður fjallað um sögu selveiða á Íslandi, sér í lagi við Húnaflóa, og dregin upp mynd af selveiðihlunnindum sem skráð voru á jarðir á svæðinu í opinber gögn. Þrjár jarðabækur voru gerðar með um það bil 100 ára millibili í byrjun 18. aldar, 19. aldar og 20. aldar og í öllum voru selveiðihlunnindi sérstaklega upplistuð. Fjallað verður um þessi hlunnindi og áætlað umfang selveiða líkt og það birtist í umræddum heimildum. Velt verður upp spurningum um vægi selveiða fyrir efnahag og lífsafkomu íbúa á þessu svæði og rætt um þróun viðhorfa manna til sela í ljósi þessarra og fleiri sögulegra heimilda.

Var efnið á síðunni hjálplegt?