Fyrirlestur - 4 klst. Opinn fyrir alla og frítt fyrir félagsmenn í fimm stéttarfélögum. Það eru Aldan, Kjölur, Samstaða, Sameyki (áður SFR) og Verslunarmannafélag Skagafjarðar sem bjóða sínu fólki frítt á námskeiðið.
ATHUGIÐ AÐ NAUÐSYNLEGT ER AÐ SKRÁ SIG HÉR:
http://farskolinn.is/namskeid/ns/faersla/listin-ad-breyta-hverju-sem-er/
Ef þú ert eins og flest fólk hefur þú líklega gert fáeinar tilraunir til að breyta lífi þínu til batnaðar, hvort sem um er að ræða heilsuna, fjárhaginn, samband þitt við makann eða markmið tengd starfinu. Þér hefur líklega verið sagt að viljinn sé allt sem þurfi og að marktækar breytingar hefjist á viljastyrk.
Áralangar rannsóknir hafa hins vegar leitt í ljós að viljastyrkurinn er bara einn af mörgum áhrifavöldum og að það eru sex þættir sem hafa áhrif á hegðun okkar og daglegar ákvarðanir.
Fyrsti þátturinn varðar persónulega hvatningu og lýtur að því að tengja saman lykilhegðun og innri hvata.
Annar þátturinn snýst um persónulega hæfni þar sem lykilhegðunarþættir eru þjálfaðir.
Þriðji áhrifaþátturinn varðar félagslega hvatningu og snýst um það að nota þá krafta sem felast í félagslegum áhrifum til að styrkja þá hegðun sem sóst er eftir.
Fjórði þátturinn, félagsleg hæfni, er mikilvægur þar sem fólk í hópi eða samfélagi mun þurfa að aðstoða hvert annað ef það ætlar að ná árangri.
Fimmti þátturinn er hvatning úr umhverfinu, t.d. með því að ákveða viðeigandi umbun.
Síðasti þátturinn, skipulagsleg hæfni, er mikilvægur til að tryggja að kerfi, ferli, undirliggjandi strúktúr, sýnileg merki o.s.frv. styðji við lykilhegðunina.
Hægt er að verða áhrifavaldur með því að nota alla sex ofangreinda þætti áhrifa.
Leiðbeinandi: Ingrid Kuhlman, þjálfari og ráðgjafi hjá Þekkingarmiðlun ehf.
Hvar og hvenær:
Hvammstangi - 14.nóvember kl. 18:00-22:00
Verð: 19.900 kr.*
*Stéttarfélögin Aldan, Kjölur, Samstaða, Sameyki (áður SFR) og Verslunarmannafélag Skagafjarðar
bjóða félagsmönnum sínum á námskeið þeim að kostnaðarlausu.
Athugið að námskeiðin eru öllum opin og minnum við aðra en félagsmenn þessara
félaga á að kanna rétt sinn hjá sínu stéttarfélagi.
